Икеагийн сурталчилгааны хуудсан дээр шээх болсны учир…

Шведийн гэрийн тавилгын үйлдвэрлэгч Икеа нэгэн сонирхолтой сурталчилгааны аргыг санаачилжээ.

Тус компанийн нярай хүүхдийн орны зурагт хуудас нь жирэмслэлтийг илрүүлдэг ид шидтэй юм байна. Өөрөөр хэлбэл жирэмслэлтийг илрүүлэгчтэй ижил технологийг сурталчилгааны хуудсанд нэвтрүүлжээ.

Ингэснээр эмэгтэйчүүд жирэмсэн болсон үгүйгээ шалгаж, хэрвээ болсон байвал тухайн хуудсан дээрх үнэтэй хэсгийн өнгө хувирч, хямдарсан үнэ тодорч харагдах юм. Жирэмсэн болсноо мэдэхийн хажуугаар ирээдүйн хүүхэддээ хямд үнээр ор авах боломжтой болно.

Жирэмслэлтийг илрүүлэгч бүтээгдэхүүний Mercene Labs компани Икеатай хамтран ажилласнаар ийм тест бүхий зурагт хуудас гаргасан байна.

Эх сурвалж: The Guardian