Тоёотагийн жолоочгүй машин пицца хүргэнэ

АНУ-д нээгдсэн CES (Consumer Electronics Show) үзэсгэлэнгийн үеэр Тоёота компани e-Palette гэгдэх жолоочгүй автомашины загвараа танилцууллаа.

Тэд Pizza Hut компанитай хамтран уг машинаар пицца хүргэх үйлчилгээг ирээдүйд төлөвлөж байгаа ажээ. Зөвхөн хүргэх биш, замдаа пиццагаа хийдэг байх гэнэ.

Энэ оноос эхлэн Pizza Hut компани хүргэлтийн үйлчилгээний жолооч нараа уг шинэ ажиллагаанд бэлтгэх мэдээлэл цуглуулагч, алгоритм туршигч болгох гэнэ.

Цаашдаа Тоёота нь Amazon, Uber, Хятадын Didi компаниудтай хамтран ажиллахаар төлөвлөжээ. Тоёота 2020 оны Токиогийн Зуны Олимпийн наадмаар e-Palette машинаа туршиж, түүний дараа АНУ-ын зах зээлд гаргана.

e-Palette нь маш уян хатан хийцтэй, янз бүрийн зорилгоор ашиглагддаг байх гэнэ. Ердөө 24 цагийн дотор хэмжээг нь 4-7 метрийн урттай болгон тохируулж, хүргэлтээс эхлээд жижиг дэлгүүр ч болгох боломжтой байхаар зохион бүтээжээ.

Эх сурвалж: The Next Web