2018/05/25
Америк доллар
МОНГОЛ БАНК:
2,411.51₮
B30
УЛААНБААТАР
25°
|
13°
B30
УЛААНБААТАР
12°
|
B30
УЛААНБААТАР
13°
|
15:00
S28
23°
16:00
S26
22°
17:00
S26
20°
18:00
S28
19°
19:00
S28
17°
20:00
S44
15°
21:00
S44
12°
22:00
S44
11°
23:00
S44
10°
00:00
S44
01:00
S44
02:00
S32
Энэ мэдээ хуучирсан буюу 2018/01/09 -нд нийтлэгдсэн мэдээ болно.

Францын ерөнхийлөгч Хятадын төрийн тэргүүнд хүлэг морь бэлэглэж, тал заслаа

Р.Төмөр, ikon.mn
2018 оны 1 сарын 9
iKon.MN

Францын ерөнхийлөгч Эммануэл Макрон манай өмнөд хөрш Хятад улсад гурван өдрийн айлчлал хийж байна.

Тэр Францаас ирэхдээ Хятадын төрийн тэргүүн Ши Жиньпинд зориулж, сайн үүлдрийн хүлэг морь авч иржээ. Францын торгон цэргийн агтнаас сонгосон найман настай уг морийг Везувиус гэж нэрлэдэг байна.

Парисын албаны хүн “Энэ бэлэг нь мал эмнэлэг, ариутгалын олон асуудал дагуулсан. Ерөнхийлөгчийн зүгээс нэлээд зүтгэл шаардсан. Тиймээс энэ бол жинхэнэ Франц хүндлэл юм” хэмээн ярьжээ.

Макрон ингэж хичээл зүтгэл гаргах болсон шалтгаан нь ойлгомжтой. Их Британи Европын Холбооноос гарснаар түүний Хятадтай харилцах байр суурийг Франц улс эзлэхийг хичээж байгаа юм.

Бээжинд ирэхээсээ өмнө Макрон хэвлэлд ярихдаа “Хятад бол бусад франц хүмүүсийн нэгэн адил миний сонирхлыг соронзон мэт татдаг орон. Энэ бол хамгийн эртний соёл иргэншил. Түүхээс ч урт настай улс гүрэн” хэмээн генерал Де Голийн үгийг эш татаж байв.

Тэрээр Даваа гарагт үг хэлэхдээ Хятадын санаачилсан “Нэг бүс, нэг зам” дэд бүтцийн төслийг магтаж, “Шинэ зам зөвхөн нэг чигтэй байдаггүй” гэж хэлжээ. Түүний энэ үг Бээжингийн эдийн засгийн нөлөөнд орохоос болгоомжилж байгаа улс орнуудын байр суурины эсрэг үзэл болж байна.

Харин энэ зуур Францын гол өрсөлдөгч Британий ерөнхий сайд Тереза Мэй Европын Холбооноос гарах хэлэлцээртэй зууралдсаар Хятадад айлчилж амжихгүй байгаа юм. Тэр өнгөрсөн зун Бээжинд айлчлахаар төлөвлөж байсан ч хэд хэдэн удаа хойшлуулжээ. Хатагтай Мэй энэ сарын сүүлээр Бээжинд зочилж магадгүй байна.

 

Эх сурвалж: The Guardian

 

x