Монгол дахь Америкийн Худалдааны Танхимын (АмЧам) Төлөөлөн Удирдах Зөвлөл нь ТУЗ-ийн даргаар Стефен Поттерийг томилсныг мэдэгдэхэд таатай байна.
Тэрбээр АмЧамын ТУЗ-ийн гишүүн байсан бөгөөд өмнө нь Вагнер Ази компанийн захирлаар ажиллаж байсан. Стив өдгөө Taskonir Trading компанийн гүйцэтгэх захирал юм.
Стив нь Caterpillar and Caterpillar компанийн машин, техник, тоног төхөөрөмжийн худалдаа эрхэлдэг олон улсын дилер компаниудад 40 гаруй жил ажиллаж, 15 жилийн турш байгууллагын менежмент, удирдлагын албан тушаалыг хашиж байсан туршлагатай. Тэрбээр Индонезийн PT Trakindo Utama компанийн Ерөнхий менежерээр ажиллаж байсан бөгөөд Европын сэргээн босголт, хөгжлийн банкны Жижиг дунд үйлдвэрлэгчдэд зөвлөгөө өгөх хэлтсийн зөвлөх байв.
Стив нь бизнесийн тогтолцоо, үйл явцыг сайтар мэддэг, арвин их туршлагатай, уул уурхайн үйлдвэрлэл тэр дундаа уул уурхайн тоног төхөөрөмжийн жижиглэнгийн худалдаа, санхүүжилт, борлуулалтын дараах үйлчилгээ зэрэг асуудлаар мэргэшсэн нэгэн. Стив Эдинбургийн Их сургуулийн Шотландын Бизнесийн сургуулийн мастер, Английн Кильийн Их сургуулийн эдийн засгийн бакалаврын зэрэгтэй.
Шинэ албан тушаалд томилогдсонтой холбогдуулан Стив Поттер:
Ажлаа өгч буй АмЧамын ТУЗ-ийн дарга Жэймс Лиотта хэлэхдээ:
АмЧам Монголын тухай
АмЧам Монгол нь АНУ-Монгол Улсын хооронд бизнесийн харилцааг өргөжүүлэн бэхжүүлэх, эрх ашгийг хамгаалах, Америкийн хөрөнгө оруулалтыг Монголд татах чиглэлд ажилладаг бие даасан, гишүүддээ үйлчилдэг төрийн бус байгууллага юм.
АмЧам Монгол нь гурван сая гаруй гишүүдтэй дэлхийн хамгийн том бизнесийн холбоонд тооцогддог Америкийн Худалдааны Танхимын албан ѐсны салбар юм. Мөн АмЧам Монгол нь Ази Номхон далайн 29 орнуудын Америкийн худалдааны танхимуудыг нэгтгэдэг Ази Номхон далайн орнуудын Америкийн Худалдааны Танхимуудын Зөвлөл байгууллагын гишүүн юм.