Фэйсбүүк компани зурагнаас хүнийг таньж, эзэнд нь мэдээлдэг шинэ систем нэмж байгаагаа зарлалаа

Удахгүй Фэйсбүүк компани хаа нэгтээ таны фото зураг ашиглагдаж байгааг мэдээлдэг болно.

Өчигдөр тус компани хүний нүүр царайг таних шинэ технологийн тусламжтайгаар хэн нэгний зураг эзнийг нь мэдээгүй байхад өөрийнх нь сүлжээнд орсныг мэдээлдэг болох гэж байгаагаа зарлажээ.

Зураг нь хэчнээн “таг-лагдаагүй” байсан ч энэ үйлчилгээ хэрэгжих гэнэ. Ингэснээр хэрэглэгчийн өмнөөс хуурамч хуудас үүсгэх зэрэг асуудлыг шийдэж байгаа гэнэ. Гэхдээ энэ боломж нь “эвгүй” санагдвал “on/off” тохируулгаар хаах боломжтой ажээ.

Шинэ боломжийг өчигдрөөс эхлэн системдээ нэвтрүүлж эхэлсэн байна. Канад, Европын Холбооны хэрэглэгчдийг эхний ээлжинд алгасч байгаа нь тэдгээр орнуудын хууль эрх зүйн зохицуулалттай холбоотой гэнэ.

Шинэ систем хэрхэн ажиллах дарааллыг дараах зурагнаас үзнэ үү.

 

Эх сурвалж: Tech Insider