Уншиж байна ...
Зураг
Зураг
ХУУЧИРСАН МЭДЭЭ: 2017/12/19-НД НИЙТЛЭГДСЭН

Япончууд өөрийгөө “эдгээдэг” дэлгэцний шил бүтээжээ

Р.Түвшин, iKon.mn
2017 оны 12 сарын 19
iKon.MN
Зураг зураг

Японы хэсэг судлаачид гар утасны дэлгэцэнд зориулсан хагарлаа өөрөө “эдгээдэг” шил бүтээснээ зарлажээ.

Токиогийн их сургуулийн судлаачдын бүтээлийн тухай “Science” сэтгүүлд нийтэлсэн байна. Энэ материал нь үнэндээ шил мэт харагддаг полимер бөгөөд “polyetherthioureas” гэж нэрлэж байгаа гэнэ.

Ийм шил хагарч, цуурвал гараараа шахаж, бага зэрэг халаахад эргээд битүүрдэг ажээ. Үүний тулд ердөө Цельсийн 21 хэмийн халаалт байхад хангалттай гэнэ.

Олон шинэ нээлтүүд санамсаргүй бий болсон байдаг. Энэ удаад тус их сургуулийн төгсөх ангийн оюутан Юү Янагисава цавуу шиг үйлчилгээтэй материал бүтээхээр ажиллаж байгаад ийм нээлт хийсэн гэнэ.

Удахгүй гар утасны дэлгэцээ хагалахаас айхгүй болох цаг ирэх бололтой.

 

Эх сурвалж: The Next Web