Өчигдөр буюу Баасан гарагт крипто валютын зах зээл дээр өндөр өсөлттэй байсан дижитал хөрөнгийн тоонд ОХУ-ын ерөнхийлөгчийн нэрээр нэрлэгдсэн PutinCoin багтжээ.
Өчигдөр YoBit арилжааны төвд PutinCoin-ий ханш 126 хувь өсөж, ширхэг нь $0.04-оор арилжаалагдсан байна. Энэ крипто валютын зах зээлийн үнэлгээ нь $7 сая гаран болоод байгаа ажээ.
“PutinCoin-ийг Дэлхийн хамгийн агуу, том гүрнүүдийн нэг Орос орны хүн ард, ерөнхийлөгчид зориулж бий болгосон юм! Технологи, бүтээгдэхүүн, үйлчилгээний хувьд маш олон боломжтой PutinCoin-ийг бизнесийнхэн, арилжаачид, хувь хүмүүс гээд энэ дэлхийн хүн бүрт чөлөөтэй ашиглуулахаар бүтээлээ” хэмээн тус крипто валютын вэб сайтад өгүүлсэн байна.
ОХУ-ын ерөнхийлөгчийн нэрийг бүтээгдэхүүндээ ашиглах явдал түгээмэл байдаг.
Жишээ нь ОХУ-д Путинка хэмээх нэртэй цагаан архи байдаг бол 2014 онд Крымийг нэгтгэснээс хойш бизнемэнүүд Путины нэр, дүрийг ашигласан олон бүтээгдэхүүн зах зээлд гаргажээ.
Эх сурвалж: Russia Today