2018/06/18
Америк доллар
МОНГОЛ БАНК:
2,418.64₮
B34
УЛААНБААТАР
21°
|
B34
УЛААНБААТАР
25°
|
B28
УЛААНБААТАР
28°
|
13°
19:00
S44
19°
20:00
S32
18°
21:00
S32
16°
22:00
S32
13°
23:00
S32
11°
00:00
S32
10°
01:00
S32
10°
02:00
S32
03:00
S32
04:00
S32
05:00
S32
06:00
S32
Энэ мэдээ хуучирсан буюу 2017/11/30 -нд нийтлэгдсэн мэдээ болно.

Хүний хөдөлгөөнийг дуурайдаг роботыг Тоёота танилцууллаа

Р.Түвшин, iKon.mn
2017 оны 11 сарын 30
iKon.MN

Японы автомашин үйлдвэрлэгч Тоёота компани өчигдөр хүний хөдөлгөөнийг даган дуурайдаг роботыг танилцуулжээ.

T-HR3 хүн дүрст робот нь тусгай мэдрэгч төхөөрөмжүүдийг биедээ зүүсэн хүний хөдөлгөөнийг өндөр нарийвчлалтайгаар дагадаг юм. Токио хотод өчигдөр нээгдсэн Олон Улсын Роботын үзэсгэлэнгийн нэг гол үзвэр нь Тоёотагийн энэхүү робот байжээ.

T-HR3 роботоор алсын зайнаас яг өөрөө хийж байгаа мэт үйлдлүүдийг хийж болдог. Өөрөөр хэлбэл алс газарт өөрөө биеэр очсон мэт ажиллаж болох гэнэ.

Үүнийг Японд сүүлийн жилүүдэд өсөн нэмэгдэж байгаа ахмад настнуудыг асран сувилах ажилд ашиглах боломжтойг Тоёотагийн роботын салбарын захирал Акифуми Тамаоки ярьжээ.

Үүнээс гадна онцгой ажлын байруудад, гамшгийн бүсэд, сансарт энэ роботыг ашиглан ажиллаж болох гэнэ.

T-HR3 нь 32 үетэй, хүний хөдөлгөөнийг нарийн дагах чадвартай. Мөн нэг хөл дээрээ тэнцвэрээ олж чаддаг ажээ.

Хүнд суурилуулсан мэдрэгчээр үйлчлэх хүчний хэмжээг ч нарийн тохируулж болох гэнэ. Роботын толгойд суурилуулсан камераар хүн яг өөрөө ажиллаж байгаа мэт роботын өнцгөөс үйл явцыг харах боломжтой.

Роботын өндөр 1.54 метр бол жин нь 75 кг юм байна.

Тоёота компани энэхүү роботоо зах зээлд хэзээ гаргах, ямар үнэ өртгөөр бий болсон зэрэг мэдээллийг өгөөгүй байна.

Эх сурвалж: Japan Today

 

x