"Лантуун Дохио" ТББ, "Өгөх Өдөр Хөдөлгөөн" ТББ хамтран санаачилж нийгмийг хүчирхийлж буй бусармаг гэмт хэрэг, түүнийг гарах нөхцлийг нь бүрдүүлээд байгаа дүрэм журам зэргийг өөрчлөхийн тулд "НҮДЭЭ НЭЭ" Үндэсний Хөдөлгөөнийг эхлүүлээд хоёр долоо хоног өнгөрч буй юм.
Тэд өнөөдөр Хүүхдийн хүчирхийллийн эсрэг дуу хоолойгоо нэгтгэх “Нүдээ нээ” нэгдсэн жагсаалыг Сүхбаатарын талбайд зохион байгууллаа. Жагсаалд хөдөө орон нутгаас хүмүүс ирж оролцсон байна.
Энэ хугацаанд 32,000 гаруй хүн нийгмийн сүлжээнд, 5 аймгийн иргэд болон 10 гаруй улс оронд амьдарч байгаа Монголчууд уг хөдөлгөөнд нэгджээ.
Хувь хүмүүсээс гадна Улаанбаатар хотод 50 гаруй аж ахуйн нэгж Нүдээ Нээж байгаагаа илтгэн хөдөлгөөний стикерийг үүдэндээ нааж хүчирхийлэгч нарын эсрэг хүүхдэд ээлтэй байгууллага болохоо амлаад байгаа аж.
Ингээд "Нүдээ нээ" нэгдсэн жагсаалаас авсан фото сурвалжилгыг хүргэж байна.
Гэрэл зургийг mpa.mn /Г.Базаррагчаа/