Мугабэг баривчилж, ерөнхийлөгчийн үүрэг гүйцэтгэгч томилогдсон бололтой
Өмнөд Африкийн Зимбабве улсад өрнөж байгаа үйл явдал дэлхий нийтийн анхаарлын төвд байна.
Нийслэл хотод буун дуу, дэлбэрэлт сонсогдож, үндэсний телевизийн байранд цэргүүд нэвтрэн мэдэгдэл хийснээс өөр тодорхой мэдээлэл ирээгүй байгаа юм.
Харин эрх баригч ZANU-PF намын твиттер хуудас ерөнхийлөгч Мугабэг гэр бүлийнх нь хамт саатуулж, ерөнхийлөгчийн үүрэг гүйцэтгэгчээр 75 настай Эммерсон Мнангагва томилогдсон тухай саяхан мэдээлжээ.
75 настай Мнангагва нь 93 настай ерөнхийлөгч Мугабэг залгамжлах хүмүүсийн нэгэнд тооцогдож байсан юм. Гэвч тэргүүн хатагтай 52 настай Грэйс Мугабэ түүний гол өрсөлдөгч болон, сөргөөцөлдөж байсны үр дүнд тэр өнгөрсөн долоо хоногт дэд ерөнхийлөгчийн суудлаа алдаж, намаасаа хөөгдөж байв.
Грэйс Мугабэ ч түүнийг улс төрөөс зайлуулахыг нөхрөөсөө ил тод шаардаж байсан юм.
Армийнхан мэдэгдэлдээ энэ бол төрийн эргэлт биш, Мугабэгийн гэр бүл аюулгүй байгааг өгүүлсэн байна.
Харин эрх баригч намын твиттер хуудас ерөнхийлөгчийг гэр бүлийн хамт баривчлагдсан гэжээ.
Эх сурвалж: BBC
