Boston Dynamics-ийн робот нохой улам боловсронгуй болжээ

Робот зохион бүтээх чиглэлд ажилладаг АНУ-ын Boston Dynamics компани нохойг дуурайлган бүтээсэн SpotMini роботынхоо шинэчилсэн загварыг үзүүлжээ.

Анхны загварыг 2016 оны зургаадугаар сард үзүүлж байсан юм. Тухайн үед SpotMini нь нэлээд болхи хөдөлгөөнтэй амьтан байв.

Харин энэ удаагийн робот нохой нь маш цэвэрхэн хөдөлгөөнтэй, бараг жинхэнэ амьтныг санагдуулам болж хувирсан байна.

Эндээс жил гаруй хугацаанд Boston Dynamics ямар том дэвшил гаргасныг харж болохоор байгаа юм. АНУ-ын робот зохион бүтээгчийг Японы Softbank худалдаж авсан байдаг. Дээрх дүрс бичлэгт “Coming soon” буюу удахгүй үзүүлнэ гэсэн мэдээлэл гарч байгаа.

Тэд уг роботыг зах зээлд бүтээгдэхүүн болгож гаргах, эсвэл бодитоор нь ажиллуулж үзүүлэх хоёрын аль нэгийг хийхээр бэлдэж байгаа нь эндээс харагдаж байна.

Эх сурвалж: The Verge