60 жилийн дараа Хөлбөмбөгийн ДАШТ анх удаа Италичуудгүйгээр болно

Дэлхийн дөрвөн удаагийн аварга Италийн хөлбөмбөгийн шигшээ баг сүүлийн 60 жилийн хугацаанд анх удаагаа Дэлхийн Аварга Шалгаруулах Тэмцээнийг өнжихөөр боллоо.

ДАШТ-ий урьдчилсан шалгаруулалтын сүүлийн шатанд тэд эхлээд Шведэд 1:0 харьцаатай хожигдсон бол өчигдөр Миланы Сан Сиро цэнгэлдэх хүрээлэнд болсон хоёр дахь тоглолт дээрээ оноо авалгүй тэнцжээ.

Италичууд 1958 оноос хойш ДАШТ-д тасралтгүй шалгаран оролцож ирсэн юм. Хамгийн сүүлд оролцож чадаагүй том тэмцээн нь 1984 ба 1992 оны Европын Аварга Шалгаруулах Тэмцээнүүд байв.

Тэд 2006 онд дөрөв дэхь удаагаа Дэлхийн аварга болсноосоо хойш болсон хоёр ДАШТ-д хэсгээсээ гарч чадаагүй, тааруухан амжилт үзүүлсэн. Харин Европын аварга шалгаруулах тэмцээнүүдэд амжилттай байж, 2012 онд үзүүр түрүүнд үлдэж, 2008, 2016 онуудад шигшээ дөрөвт шалгарч байжээ.

Эх сурвалж: Associated Press