“Утааны эсрэг аав ээжүүд" ТББ-ынхан өчигдөр утааны эсрэг жасаал хийлээ. Тэд "Энэ хэвээрээ байвал Монгол Улс өвчлөлөөрөө дэлхийд тэргүүлнэ", "Өглөө машиныхаа гэрлийг асааж явдаг боллоо. Утаанд зам сайн харагдахгүй байна", "Цонхоо онгойлгомоор байна" гэх зэрэг уриа лоозон барьж жагсжээ.
Уг ТТБ-аас агаарын бохирдлыг бууруулах чиг үүрэгтэй төрийн байгууллагуудын гадаа гурван удаагийн жагсаал хийхээр төлөвлөсөн байна. Өчигдөр буюу 11 дүгээр сарын 10-нд хотын захиргаанд хаягласан эхний жагсаалаа хийсэн бол дараагийн удаа 11 дүгээр сарын 17-нд Агаарын бохирдлыг бууруулах газрын гадаа, 24-нд Хүний эрхийн үндэсний комиссын гадна талбайд жагсаал зохион байгуулах аж.
Гэрэл зургийг mpa.mn