ИНФОГРАФИК: Парламент дахь ЭМЭГТЭЙЧҮҮДИЙН оролцоо улс орнуудад

Дэлхийн зарим улс орнуудын парламентад эмэгтэйчүүдийн хувь хэмжээ ямар байгааг дараах байдлаар харуулжээ.

Эдгээр орнуудаас Африкийн Руанда 61.3 хувьтай тэргүүлж, араас нь Өмнөд Америкийн Боливи 53.1 хувь, Төв Америкийн Куба 48.9 хувиар удаалсан байна.

Харин хамгийн бага эмэгтэй гишүүдтэй орнуудад Иран 5.9 хувь, Япон 9.3 хувь, Армени 9.9 хувиар тус тус жагсжээ.

Монгол улсын хувьд УИХ-ын 76 суудлын 13-ыг эмэгтэй гишүүд эзэлдэг буюу 17 хувьтай байна. Энэ үзүүлэлтээрээ манайх дээрх жагсаалтад Тажикистан (19 хувь), Азербайжан (16.8 хувь) улсуудын дунд орохоор байгаа юм. Дэлхийн дундаж үзүүлэлт 23.4 хувь байдаг ажээ.

 

Эх сурвалж: Radio Free Europe /Radio Liberty