24 мянган хүүхэд, жирэмсэн ээжүүдэд ТОМУУГИЙН ЭСРЭГ ВАКЦИН ТӨЛБӨРГҮЙ хийнэ

А.Үлэмж, iKon.mn

2017 оны 10 сарын 25

iKon.MN

“Томуугийн эсрэг дархлаажуулалт” -ын үйл ажиллагааг аравдугаар сарын 16-наас эхлэн зохион байгуулж байгаа билээ. Энэ жилийн томуугийн улиралд эхний ээлжийн 50,000 хүн/тун вакциныг АНУ-ын Протейн Сайнс Корпорациас хүлээн авсан бөгөөд вакциныг аймаг, сум, дүүргүүдэд түгээх үйл ажиллагаа явагдаж байгаа аж.

Мөн өнөөдрөөс эхлэн НҮБ-ын Хүүхдийн сангаас захиалсан 45,000 хүн/тун вакцинаар агаарын бохирдлын индекс өндөртэй газар байрладаг нийслэлийн 42 цэцэрлэгийн 24 мянган хүүхдийг үнэ төлбөргүй дархлаажуулж байна гэж Эрүүл Мэндийн Яамнаас мэдэгдлээ.

Энэ талаар Эрүүл мэндийн яамны Тандалт шуурхай удирдлагын хэлтсийн дарга Д.Нарангэрэл "Нийслэлд өнөөдрийн байдлаар амбулаториор 63,235 хүн үйлчлүүлсний 4.5 хувь нь Томуу, томуу төст өвчтэй гэж оношлогдсон. Энэ нь харьцангуй хэвийн үзэгдэл юм. Гэхдээ бид тайвширч болохгүй. Учир нь томуугийн дэгдэлт арванхоёрдугаар сар болон нэгдүгээр сард оргил үедээ хүрдэг.

Тиймээс Эрүүл мэндийн сайдын тушаалаар томуугийн эсрэг дархлаажуулалтын үйл ажиллагааг хийж эхэлсэн байна.

Нэгдүгээрт, өнөөдрөөс 45 мянган хүн тун вакцинаар дархлаажуулах ажлыг эхлээд байна. Энэ ээлжийн вакцин голчлон хүүхдэд чиглэх юм. Томуугийн вакциныг тариулснаас хойш 14 хоногт дархлаа тогтох бөгөөд зонхилон тохиолдож буй гурван вирүсийн эсрэг вакцин.

ХӨСҮТ-д сайн дурын үнэ төлбөртэй дархлаажуулалт эхэлж байна. Энэ жил эрүүл мэндийн сайдын санаачилгаар вакцины үнийг бууруулж нэг хүн 10,000 төгрөгөөр хийлгүүлэхээр болсон. Сайн дурын дархлаажуулалтад ямар ч иргэн хамрагдаж болно.

Вакцины талаарх бүх төрлийн мэдээллийг 455388 утсаар авч болно.

Энэ удаагийн дархлаажуулалтад жирэмсэн эмэгтэйчүүд, эрсдэлт бүлгийн, суурь өвчтэй иргэдийг түлхүү хамруулж байна. Хүүхдүүдийн хувьд 6 сартайгаас дээш насны хүүхдийг хамруулж байгаа.

Хоёрдугаарт, эрүүл мэндийн сайдын тушаалаар А аминдэмийг 0-5 насны 390 мянган хүүхдэд тарааж байна. А аминдэм нь дархлаа сэргээх, томуугийн вакцины үйлчилгээг уртасгах, сайжруулах үр нөлөөтэй.

Гуравдугаарт, зудтай 13 аймгийн 110 суманд аминдэм, тэжээл тарааж байна. Гэх мэтчилэн ЭМЯ-наас иргэдээ өвчлүүлэхгүй байх тал дээр анхаарч ажиллаж байна.

Мөн өнөөдрөөс эхлэн 323002 утсыг өнөөдрөөс эхлэн ажиллуулж Эрүүл мэндийн салбартай холбоотой мэдээлэл, иргэдийн санал хүсэлтийг авч байна" гэв.

Иргэн сайн дураараа вакцин хийлгэх бол ХӨСҮТ-ийн амбулаторийн 114, 117, 110 тоот өрөөнд хийж буй юм. Улирлын томуугийн эсрэг вакцинжуулалтыг 8:30-17:00 цагийн хооронд хийж байгаа аж.

Тарих өрөөнд вакцинатор сувилагч, бүртгэл хийх сувилагч, зохион байгуулах нэг сувилагч тус тус ажиллуулж байгаа гэв. Энэхүү вакцин нь Солонгос улсын Грийн кросс үйлдвэрийн ДЭМБ-ын шаардлага хангасан вакцин юм байна. Нэг хүн тунгийн үнэ 10,000 төгрөг.

Жирэмсэн эмэгтэйчүүд дүүргийн эмнэлэгтээ вакцин хийлгүүлэх боломжтой

ХӨСҮТ-ийн Дархлаажуулалтын албаны дарга О.Дашпагам "Одоогийн байдлаар нийт 95 мянган хүн/тун вакциныг хүлээн авсан. Дараагийн 125,000 хүн/тун вакциныг бид хүлээж байна. Тэр вакцин ирэхээр дүүргүүдэд ахмад настануудад хийгдэх вакцин тараагдана. Одоогийн байдлаар дүүргүүдэд жирэмсэн эмэгтэйчүүдэд хийгдэх вакцины тодорхой хувь нь тараагдсан байгаа.

Жирэмсэн эмэгтэйчүүд дүүргийн эмнэлэг, эрүүл мэндийн нэгдэл дээрээ хийлгүүлэх боломжтой" гэлээ.

Дараах 42 цэцэрлэгт томуугийн эсрэг вакцин үнэ төлбөргүй хийнэ

№	Цэцэрлэг	Олгох вакцин /хүн тун/	Тариур /0.5 мл/
1. Баянгол дүүрэг
1.1.	120 дугаар цэцэрлэг	691	691
1.2.	157 дугаар цэцэрлэг	699	699
1.3.	162 дугаар цэцэрлэг	670	670
1.4.	77 дугаар цэцэрлэг	660	660
1.5.	85 дугаар цэцэрлэг	602	602
1.6.	87 дугаар цэцэрлэг	599	599
1.7.	88 дугаар цэцэрлэг	618	618
1.8.	89 дүгээр цэцэрлэг	600	600
*Дэд дүн*		*5,139*	*5,139*
2.Баянзүрх дүүрэг
2.1.	22 дугаар цэцэрлэг	666	666
2.2.	61 дүгээр цэцэрлэг	738	738
2.3.	82 дугаар цэцэрлэг	749	749
2.4.	122 дугаар цэцэрлэг	826	826
2.5.	129 дүгээр цэцэрлэг	818	818
2.6.	147 дугаар цэцэрлэг	951	951
2.7.	191 дүгээр цэцэрлэг	274	274
*Дэд дүн*		*5,022*	*5,022*
3.Сүхбаатар дүүрэг
3.1.	42 дугаар цэцэрлэг	542	542
3.2.	68 дугаар цэцэрлэг	550	550
3.3.	69 дүгээр цэцэрлэг	543	543
3.4.	135 дугаар цэцэрлэг	630	630
3.5.	143 дүгээр цэцэрлэг	590	590
3.6.	160 дугаар цэцэрлэг	576	576
*Дэд дүн*		*3,431*	*3,431*
4.Сонгинохайрхан дүүрэг
4.1.	55 дугаар цэцэрлэг	419	419
4.2.	105 дугаар цэцэрлэг	510	510
4.3.	107 дугаар цэцэрлэг	504	504
4.4.	110 дугаар цэцэрлэг	523	523
4.5.	112 дугаар цэцэрлэг	520	520
4.6.	113 дүгээр цэцэрлэг	545	545
4.7.	118 дугаар цэцэрлэг	558	558
4.8.	119 дүгээр цэцэрлэг	519	519
*Дэд дүн*		*4,098*	*4,098*
5.Чингэлтэй дүүрэг
5.1.	5 дугаар цэцэрлэг	491	491
5.2.	9 дүгээр цэцэрлэг	453	453
5.3.	74 дугаар цэцэрлэг	446	446
*Дэд дүн*		*1,390*	*1,390*
6.Хан-Уул дүүрэг
6.1.	27 дугаар цэцэрлэг	531	531
6.2.	35 дугаар цэцэрлэг	408	408
6.3.	41 дүгээр цэцэрлэг	633	633
6.4.	65 дугаар цэцэрлэг	624	624
6.5.	67 дугаар цэцэрлэг	672	672
6.6.	134 дүгээр цэцэрлэг	617	617
6.7.	209 дүгээр цэцэрлэг	485	485
*Дэд дүн*		*3,970*	*3,970*
7.Багануур дүүрэг
7.1.	131 дүгээр цэцэрлэг	310	310
7.2.	138 дугаар цэцэрлэг	400	400
7.3.	241 дүгээр цэцэрлэг	240	240
*Дэд дүн*		*950*	*950*
*НИЙТ*		*24,000*	*24,000*