Уншиж байна ...
Зураг
Зураг
ХУУЧИРСАН МЭДЭЭ: 2017/10/10-НД НИЙТЛЭГДСЭН

Хөлбөмбөгийн ДАШТ-д оролцсон хамгийн жижиг үндэстнээр Исландчууд тодорлоо

Р.Төмөр, ikon.mn
2017 оны 10 сарын 10
iKon.MN
Зураг зураг

Даваа гарагт буюу өчигдөр ОХУ-д 2018 онд болох ДАШТ-ий урьдчилсан шалгаруулалтын тоглолтууд боллоо.

Европын бяцхан улс Исландын хөлбөмбөгчид энэ удаа нийслэл Рэйкьявик хотдоо Косовогийн багийг 2:0-ээр буулгаж авснаар Оросыг зорих эрхтэй болсон байна.

Ингэснээрээ тэд “I” хэсгийг тэргүүлж, Дэлхийн Аварга Шалгаруулах Тэмцээнд шууд шалгарч байгаа юм. Исландчууд урьдчилсан шалгаруулалтын сүүлийн гурван тоглолтоо дараалан ялснаар 2016 оны Европын аваргын хагас шигшээд үлдсэн нь тохиолдлын зүйл байгаагүйг харуулсан юм.

Өнгөрсөн Баасан гарагт Исландчууд Туркийн хүчтэй багийг 3:0-ийн харьцаатай ялж, хэсгийнхээ тэргүүн байранд гарч ирсэн байна.

335,000 хүн амтай Исланд улс хөлбөмбөгийн ДАШТ-нд оролцсон хамгийн жижиг үндэстэн болж түүхэнд үлдэж байгаа юм.

Тэднээс өмнө ДАШТ-д орсон хамгийн жижиг улсуудад Тринидад ба Тобаго (1.3 сая), Хойд Ирланд (1.85 сая), Словени (2.08 сая), Жамайк (2.89 сая), Уэльс (3.1 сая) тус тус тооцогдож байжээ.

 

Эх сурвалж: The Guardian