ХУУЧИРСАН МЭДЭЭ: 2017/09/14-НД НИЙТЛЭГДСЭН
Тавантолгойн нүүрс тээвэрлэлтэд үүсээд буй асуудлыг шийдвэрлэнэ
iKon.MN
Монгол Улсын Зам, тээврийн хөгжлийн сайд Д.Ганбат, БНХАУ-аас Монгол Улсад суугаа онц бөгөөд бүрэн эрхт Элчин сайд Шин Хаймин нар 09 дүгээр сарын 13-ны өдөр ажлын уулзалт хийлээ. Талууд хоёр улсын хоорондын харилцаа болон зам, тээврийн салбарын хамтын ажиллагааны талаар санал солилцов.
Зам, тээврийн хөгжлийн Сайд Д.Ганбат Гашуунсухайт-Ганц мод боомт дээр нүүрс тээвэрлэж байгаа ачааны машинуудын дараалал үүсч буй асуудлыг хөндөж ярилцав. Талууд энэ асуудал дээр хичээл зүтгэл гаргаж, асуудлыг шуурхай шийдвэрлэх арга хэмжээ авахаа илэрхийлэв.
Эх сурвалж: ЗТХЯ
