ФОТО: Дэлхийн аварга П.Орхонд "Ланд-200", түүний багшид хоёр өрөө байр бэлэглэлээ
Францын Парис хотод чөлөөт бөхийн ДАШТ болж, эмэгтэйчүүдийн 63 кг-ын жинд ОУХМ П.Орхон түрүүлж, Монгол түмний магнайг тэнийлгэсэн билээ.
Шинэхэн дэлхийн аварга П.Орхоны бэлтгэл сургуулилтаа хангадаг "Аваргууд Академи", ивээн тэтгэгч "Бат сол" компаниас түүнд өнөөдөр "Ланд-200" маркийн авто машин бэлэглэлээ.
Мөн “Аваргууд" академи, "ОХС” ХХК-ийн зүгээс түүний дасгалжуулагч, Монгол Улсын Гавьяат тамирчин Ц.Цогтбаярт Хан-Уул дүүрэгт байрлах шинэ хоёр өрөө байрыг амжилтыг нь үнэлэн гардуулан өглөө.
Чөлөөт бөхийн дэлхийн аварга П.Орхон "Амжилтыг маань үнэлээд шагнаж урамшуулж байгаа Батсайхан ах, Солонго эгч хоёртоо маш их баярлаж байна. Мэдээж энэ бол намайг цаашдаа илүү олон амжилт гаргахыг бэлэгшээж өгч байгаа машин. Тиймээс цаашдаа улам их хичээж олон амжилтуудыг гаргах болно" гэв.
ФОТО
Гэрэл зургийг mpa.mn
