Багш нар нийгмийн хангамжаа сайжруулах үүднээс "Цалин нэмэгдүүлэх түр хороо"-г байгуулан ажиллаж байгаа билээ. Тэгвэл тус хорооны гишүүд өнөөдөр Сүхбаатарын талбайд есөн дүүргийн 10 мянган багшийн хамт дуу хоолойгоо нэгтгэн жагсаж, Есдүгээр сарын 15-ны дотор шаардлагын хариуг ирүүлэхийг хүслээ.
Түр хорооны гишүүн багш А.Санжмятав "Даваа гарагт биднийг боловсролын сайд хүлээн авч уулзсан ч ажлын хэсэг гаргасан, цалин нэмэгдүүлэх ажил дээр анхаарна гэдгээ хэлснээс биш тодорхой шийд өгөөгүй.
Тиймээс бид өнөөдөр төр захиргааныханыг есдүгээр сарын 15-ны дотор шаардлага ирүүлэхийг хүсэж жагсаал хийж байна. Хэрэв цалин нэмэхгүй бол бид ажил хаяна. Мэдээж хичээлийн шинэ жилээр ажиллаж хүүхэд багачуудааа сургуульдаа хүлээн авна" гэж хэлсэн юм.
Монгол Улсын Ерөнхий сайд Ж.Эрдэнэбатад хүргүүлж буй шаардлагад дараах гурван зүйлийг заажээ.
Үүнд:
Жагсаалд оролцож байгаа багш нарын төлөөллүүд өдийг хүртэл тэссэн бидний тэвчээр ингэж тэсэрлээ, "Бид одоо тэвчиж чадахгүй. Цалингаа нэмэхийг шаардаж байна" гэсэн утга бүхий уриа лоозон барин жагсацгааж байсан юм.
Гэрэл зургийг MPA.mn