Монгол Улс, БНХАУ-ын хамтарсан экспог есдүгээр сарын 26-30-ны өдрүүдэд Хөх хотод зохион байгуулах ажлын хэсгийн хоёр талын уулзалт өнөөдөр боллоо.
Энэ үеэр ХХААХҮЯ болон МҮХАҮТ-ийн төлөөлөл дараах мэдээллийг өглөө.
ХХААХҮ-ийн сайд П.Сэргэлэн "Монгол Улс, БНХАУ-ын экспо хоёр дахь удаагаа болох гэж байна.
Өмнөх экспод 239 аж ахуй нэгж оролцож, дөрвөн тэрбум төгрөгийн борлуулалтыг хийсэн.
Энэ удаагийн арга хэмжээнд илүү олон ААН-үүдийг оролцуулж, бараа бүтээгдэхүүний чанарт анхаарахыг зорьж байна.
Яамны зүгээс болон МҮХАҮТ дээр ААН-үүдийг бүртгэж эхэлсэн. Бараа бүтээгдэхүүний тээврийн асуудлыг Хятадын талаас шийдвэрлэж өгч байгаа.
Үндэсний үйлдвэрлэгчдэд бараа бүтээгдэхүүнээ Хятадын зах зээлд борлуулах, сурталчлах өргөн боломж нээгдэнэ.
Энэ удаагийн үзэсгэлэнд ОХУ тэргүүтэй 30 орон бараа бүтээгдэхүүнээ гаргана. Ойрын хугацаанд бид Эрээн хотод ажиллана.
Хятад улстай Дөрвөн салбарын 22 арга хэмжээг хэрэгжүүлэх ажлын төлөвлөгөө гаргасан.
Өнгөрсөн жил хоёр тэрбум гаруй төгрөгийн хил орчмын худалдаа борлуулалтыг хийсэн" гэлээ.
МҮХАҮТ-ийн ерөнхий нарийн бичгийн дарга Э.Оюунтэгш "Өнөөдрийн байдлаар манай улс БНХАУ-тай гурван тэрбум долларын гадаад худалдааны гэрээ хэлэлцэл хийсэн.
Энэ удаагийн экспог өргөн хүрээтэй зохион байгуулах юм. Түүнчлэн үбх аймгийн ААН-ийг оролцуулахыг зорьж байна.
Хятадын талтай гүний гаалиар бүрдүүлэлтээ хийхүү, хил дээр бүрдүүлэлтээ хийхүү? гэдэг асуудал хуралдааны дараа тодорхой болно" гэв.