2014 оны 11 сарын 5
Тайлант хугацаанд зах зээлд нийт 37,363 айлын 213 орон сууцны төсөл борлуулагдаж байгаа нь өмнөх сартай харьцуулахад төслийн тоо ижил харин айлын тооны хувьд 78 айлаар өсчээ. Тайлант хугацаанд нийтдээ 11 төслийн борлуулалт дууссан болон бусад шалтгааны улмаас хасагдаж мөн тухайн тооны төслүүд шинээр нэмэгдлээ. Тайлант сарын хувьд томоохон орон сууцны цогцолборууд нэмэгдсэн онцлогтой байлаа. Тайлант хугацаанд 1м2-ийн дундаж үнэ 2,365.9 мянган төгрөг болсон нь өнгөрсөн сартай харьцуулахад 29.7 мянган төгрөгөөр буюу 1.27%-иар өссөн дүн юм. 2014 оны 9-р сард нийт 1,892 зээлдэгчид 92.1 тэрбум төгрөгийн зээл олгосноор ипотекийн зээлийн үлдэгдлийн хэмжээ 2.62 их наяд төгрөг, нийт зээлдэгчдийн тоо 61,164-т хүрлээ.