2020 оны 3 сарын 17
ЮНЕСКО-гийн дэргэдэх Олон улсын театрын институтын гишүүн улс орнууд театрын төрөл бүрийн фестиваль, арга хэмжээ зохион байгуулж байдаг. Хэдийгээр арга хэмжээ, фестиваль болгон өөр өөрийн онцлогтой тодорхой зорилготой байдаг ч нэг зүйл ижил байдаг нь урлаг, соёлоор дамжуулан харилцан ойлголцох, бие биенээ мэдэх, найз нөхдийн холбоо тогтоон бүтээлчээр хамтран ажиллах, шинэ санаа, шинэ сэдэл, ямар нэгэн шинэ зүйлийг эрж хайж байдаг бүтээлч уран бүтээлчдийн цугларах газар болж байдаг билээ.