2020 оны 11 сарын 5
Хадгаламж нь иргэдийн ирээдүйн баталгаа төдийгүй өндөр өгөөж хүртэх найдвартай хөрөнгө оруулалтын хэрэгсэл юм. Иргэдийн хадгалах хандлага янз бүр, зарим нь мөнгөө өсгөх, зарим нь үр хүүхдийнхээ ирээдүйн төлөө, зарим нь байр, машин авах гэж ч хуримтлуулна. Хүний хэрэгцээ шаардлага хязгааргүй. Та өөрөөсөө өөрийнхөө мөнгийг хамгаалж чаддаг уу? Мөнгө үрэх амархан, гэхдээ өнөө үед хадгалах бүр ч амархан болсон. Тухайлбал, банканд очих шаардлагагүйгээр интернэт, гар утас ашиглаад хормын төдийд данс нээчихнэ. Бага ч болтугай хуримтлуул. Банк таны мөнгийг таны ирээдүйн төлөө өсгөж өгөх төдийгүй таниас ч хамгаалж байгаа юм.