2020 оны 5 сарын 5
УЛААНБААТАР, Монгол Улс – Монгол дахь Америкийн Худалдааны танхим (АмЧам Монгол) нь ЕвроЧамбер-тай хамтран банкны салбарын тогтвортой байдал, шинэчлэлийн талаар цахим дугуй ширээний уулзалт зохион байгуулж, салбарын шилдэг мэргэжилтнүүдийг оролцуулан, тулгамдаж буй асуудлууд болон Монгол улсад банкны салбарыг хөгжүүлэхэд цаашид хэрэгжүүлэх шаардлагатай арга замуудыг тодорхойлох талаар хэлэлцэв. Энэхүү цахим хэлэлцүүлгийн хүндэт зочдоор Азийн хөгжлийн банк (АХБ)-ны Ерөнхий эдийн засагч С.Болд, Мандал Даатгал ХХК-ийн үүсгэн байгуулагч, ТУЗ-ийн дарга Ө. Ганзориг, Хас банкны Гүйцэтгэх захирал Г.Цэвэгжав, Хаан банкны Гүйцэтгэх захирал Жон Бэлл болон Монголын Банкны Холбооны Гүйцэтгэх захирал Л.Амар нар оролцлоо.