2018 оны 3 сарын 14
Анагаах цай, органик тос, алжаал тайлах ванны бөмбөлөг гээд бүтээгдэхүүн бүр нь анагаах увдистай хэмээгддэг “Доктор Баатар” брэнд олонд танигдаад багагүй хугацаа өнгөрчээ. Тус брэндийн бүтээгдэхүүнүүд тун удахгүй экспортод гарах гэж буй таатай мэдээ сонсоод “Одь Тан” компанийн үйл ажиллагаа эрхэлсэн захирал Б.Чанцалдуламтай эмийн үйлдвэр дээр нь очиж ярилцлаа. “Одь тан” эмийн үйлвэр нь Уламжлалт эмийн үйлдвэрлэлд тавигдах шаардлага MNS 5524-3 – 2015 стандартын шаардлагын дагуу баригдсан, сүүлийн үеийн тоног төхөөрөмжийг үйлдвэрлэлдээ ашигладаг цэгцтэй сайхан үйлдвэр байсныг онцольё. Тус үйлдвэр МҮХАҮТ-ийн 2017 оны онцлох жижиг, дунд үйлдвэрлэлийн Энтерпренер шагналыг хүртсэн амжилтаар өнгөрсөн жилийг үджээ.