2020 оны 8 сарын 4
Англи хэл олон жил үзэж байгаа боловч ярьж чадахгүй, эсвэл суурь мэдлэгтэй боловч ажил, амьдралдаа төвөггүй ашиглах хэмжээнд хүрэхгүй байх асуудал маш олон хүнд тулгарч байдаг. Аливаа хэлийг хэт академик арга барилаар суралцах нь дүрмийн мэдлэгийг л зузаатгахаас бус бичиг, яриа зэрэг хэрэглээний чадваруудыг орхигдуулдаг. Харин “Boosterz” платформ нь Англи хэлний хэрэглээний чадварыг богино хугацаанд сайжруулах зорилготой бүтээгдсэн цогц систем юм. Залуу мэргэжилтэн өдөр тутамдаа Англи хэл дээр мэдээлэл авах, имэйл бичих, ямар ч нөхцөлд өөрийгөө илэрхийлж ярих, ажлын шаардлагаар илтгэл тавих зэрэг “хэрэглээний” чадвартай болсноор өөрийн карьерт олон шинэ боломжийг бүрдүүлэх нь гарцаагүй юм.