2018 оны 9 сарын 13
Дэлхийн хэмжээнд сурагчдын оюуны нөөц боломжийг шалгадаг хичээл тус бүрийн олон улсын олимпиад жил тутам уламжлал ёсоор зохион байгуулагддаг. Монгол Улсын математикийн баг 1964, мэдээлэл зүйн баг 1991, харин байгалийн ухааны хичээлүүд болох физик, хими, биологийн багууд 1997 оноос олон улсын олимпиадуудад оролцож эхэлсэн байдаг. Энэ хугацаанд физикийн баг харьцангуй тогтмол оролцсон бол хими болон биологийн багууд түр завсарлаж байгаад химийн баг 2006, биологийн баг 2007 оноос хойш тус тус тогтмол оролцож ирсэн.