2021 оны 2 сарын 1
2020 оны УИХ болон ИТХ-ын сонгуулиар иргэд хэрхэн сонголт хийсэн бэ? Тэрхүү сонголтод ямар хүчин зүйлс хамгийн ихээр нөлөөлөв? Эдгээр болон бусад сонгогчдын улс төрийн зан үйлийн талаарх асуултад хариулт олох зорилгоор миний бие сонгуулийн дараах олон нийтийн санал бодлын тандалт судалгааг өнгөрсөн оны 11-12 сард зохион байгуулсан юм. Ковид-19 цар тахлын хүрээнд хатуу хөл хорио тогтоосон үед онлайн судалгааны аргачлал ашиглаж мэдээлэл цуглуулсан бөгөөд 18-77 насны нийт 1400 иргэд оролцсон энэхүү судалгаанаас дараах таван зүйлийг онцолж байна.