2020 оны 11 сарын 20
Монголчууд бид аймшигт цар тахалтай холбоотойгоор нийгэм, эдийн засгийн маш хүнд хэцүү нөхцөл байдалтай нүүр тулаад байгаа билээ. Энэ цаг үед бид нэгнээ дэмжиж, хамтын хүчээр даван туулахыг эрмэлзэх нь нэн чухал юм. Иймд тэргүүн эгнээнд ажиллаж, цар тахалтай цаг наргүй тэмцэж, ард иргэдийнхээ амь нас, эрүүл мэндийг сахин хамгаалж байгаа Улсын Онцгой комисс, түүний дотор онцгой байдал, мэргэжлийн хяналт, цагдаагийн байгууллага, эрүүл мэндийн салбарын хамт олонд Орифлэйм Монгол компанийн зүгээс гүнээ талархал илэрхийлэн дэмжлэг болгож 100,000,000 төгрөгийн хандив өргөлөө.