2020 оны 3 сарын 27
Дэлхий нийтэд тархаад байгаа шинэ коронавирус “Covid-19”-ийн цар тахлаас үүдэлтэй улс оронд үүсээд байгаа нөхцөл байдалтай холбогдуулан харилцагчдаа санхүүгийн дарамтад орохоос урьдчилан сэргийлэх, энэ хүнд үеийг даван туулахад нь дэмжлэг үзүүлэх зорилгоор ХААН Банк зээлийн гэрээний нөхцөлд өөрчлөлт оруулах үйлчилгээний шимтгэл болон хугацаа хэтэрсэн тохиолдолд тооцдог нэмэгдүүлсэн хүү, торгуулиас чөлөөлөөд байна. Энэхүү зохицуулалт нь бүх төрлийн зээлийн хувьд хамааралтай бөгөөд 2020 оны 1-р сарын 31-нээс 2020 оны 7-р сарын 31-ний өдрийг дуустал хугацаанд хэрэгжинэ.