2019 оны 10 сарын 31
Дэлхийн хуримтлалын өдрийг тохиолдуулан Голомт банк Чингэлтэй дүүргийн 17 дугаар хорооны сурагчдад хуримтлалын талаар мэдлэг олгох сургалт зохион байгууллаа. Сургалтаар хуримтлалын ач тус, хуримтлуулах дадлыг бий болгох, ирээдүйн мэргэжлээ зөв сонгох, өөрийгөө таньж мэдэх зэрэг өргөн хүрээнд зөвлөгөө, мэдээлэл олгожээ. Мөн сэтгэл судлаачийн зүгээс сэтгэл зүйгээ удирдаж, шийдвэр гаргах тухай илтгэл тавин, чөлөөт ярилцлага өрнүүлснээрээ ач холбогдолтой аж. Арга хэмжээнд дунд болон ахлах ангийн нийт 50 орчим сурагч оролцжээ.