2019 оны 8 сарын 27
Дэлхийн томоохон технологийн компаниуд болох IBM, Sony, Panasonic, Fujitsu, Nissan зэрэгт ажиллаж байсан өндөр боловсролтой, туршлагатай програмист залуус нэгдэж хүнсний дэлгүүрүүд, үйлчилгээний байгууллагуудад зориулсан бараа татан авалтын нэгдсэн захиалгын систем хийсэн аж. Одоогийн байдлаар тус захиалгын системд 4700 гаруй дэлгүүр, худалдаа үйлчилгээний цэг бүртгүүлсэн бөгөөд дотоодын 30 орчим томоохон компаниудын барааг "ОДО ордер" аппликэйшнийг ашиглан захиалдаг болоод байна. Намрын ургац хураалт эхэлсэн энэ цаг үед хүнсний ногоо тариаланчдаа дэмжин шинэхэн ургацын ногоог дундын зуучлалын хөлсгүй шууд тариаланчдаас нь захиалах боломжийг олгож тариаланч ногоочиддоо уг системээ үнэ төлбөргүй ашиглуулахаар болжээ.