2018 оны 9 сарын 11
ХААН Банкны нийгмийн хариуцлагыг хэрэгжүүлэгч ХААН Банк Сан, Монголын Урлагийн Зөвлөл (МУЗ), АНУ дахь Монголын Урлагийн Зөвлөлтэй хамтран Монголын бизнес, банк санхүү, соёл урлагийн салбарт үнэтэй хувь нэмэр оруулсан, АНУ болон Монгол улс хоорондын олон талт найрсаг харилцааны элч, ХААН Банкны Гүйцэтгэх захирал асан Ж.Питер Морроу агсны нэрэмжит олон улсын “Гэрэлт морьд” тэтгэлэгт хөтөлбөрийг 2 дахь жилдээ амжилттай хэрэгжүүллээ. Уг хөтөлбөрийн хүндэтгэлийн арга хэмжээ нь 09-р сарын 12-ны өдөр МУЗ-ийн “Улаан гэр” уран зургийн галерейд зохион байгуулагдаж, шилдэг уран бүтээлчийг шалгарууллаа.