2018 оны 5 сарын 17
Монголын газрын зураг ба “Эдийн засгийн форум” хэмээх бичигтэй лого бүхий илтгэл, дэвтэр, танилцуулга сэлт ширээн дээр нь дэлгээтэй бөгөөд утсанд нь ирэх дуудлага тасрахгүй. CEO клубийн ерөнхийлөгч, “Ард санхүүгийн нэгдэл”-ийн гүйцэтгэх захирал Ч.Ганхуягийн ажлын өрөө иймэрхүү дүр зурагтай байв. “Реклам, сурталчилгаа, төсөв… Ээ бурхан минь” гэсээр тэрбээр биднийг ажлын өрөөндөө угтсан юм. Ирэх долоо хоногт болох гэж буй Монголын эдийн засгийн форумыг түүний удирддаг CEO клуб зохион байгуулж байгаа учир бүх анхаарал нь тийш ханджээ. Ингээд Ч.Ганхуягтай Монголын эдийн засгийн форум болон цаг үеийн асуудлаар ярилцсанаа хүргэж байна.