“Асрагч нэртийн түүх” хэмээх сурвалжийг хэдэн онд зохиосон бэ?
Уг сурвалж бичгийг Халхын баруун гарын Сайн ноён хошууны засаг ноён Жамба 1677 онд зохиожээ. Агуулгын хувьд XVI-XVII зууны үеийн Монголын түүхэн хэрэг явдал, ар Халхын ноёдын уг бичиг зэргийг багтаасан байх аж. Анх энэ сурвалж нь тодорхой оноосон нэргүй байсан бөгөөд 1958 онд түүхч, археологич Х.Пэрлээ оршил, зүүлт тайлбар хийж, анх зохиосон Жамба буюу Шамба эрх дайчин ноёны нэрийн Монгол орчуулгаар нэрлэн хэвлүүлжээ.