Ардчилсан хувьсгалын анхны удирдагчдын нэг, МоАХ-ны Ерөнхий зохицуулагч С.Зориг агсны мэндэлсний 55 жилийн ой өчигдөр тохиолоо.
Түүний гэгээн дурсгалыг хүндэтгэж төрсөн өдрийг нь тохиолдуулан Монголын Үндэсний музей “Зориг сан”-тай хамтран “Санжаасүрэнгийн Зориг агсны мэндэлсний 55 жилийн ойн үзэсгэлэн”-г зохион байгуулж, олон нийтийн хүртээл болгожээ.
Уг үзэсгэлэнд түүний гэрэл зургууд болон эдэлж хэрэглэж байсан зүйлсээс түүвэрлэн 100 гаруй үзмэрийг үзэгчдэд толилуулж байна.
Тухайлбал: Ардчилсан хувьсгалын тэмцлийн халуун өдрүүдийг өгүүлсэн түүхэн гэрэл зургууд, С.Зориг агсны өмсөж байсан хослол, цүнх, шатар мөн дүү С.Оюундаа бичсэн захидал зэргийг онцолжээ.
Үзэсгэлэн 28-ыг хүртэл үргэлжилнэ.
Гэрэл зургийг mpa.mn