Уншиж байна ...
Зураг
Зураг
ХУУЧИРСАН МЭДЭЭ: 2017/02/23-НД НИЙТЛЭГДСЭН

Монгол Улс Казахстантай ураны салбарт хамтран ажиллана

Э.Мөнхзаяа
2017 оны 2 сарын 23
MorninigNews.mn
 

Казахстан, Монгол Улс цөмийн зарим салбарт хамтын ажиллагаа явуулах төлөвлөгөөтэй байгаа талаар “The Times of Central Asia” мэдээллээ. Хоёр улс геологийн хайгуул, ураны олборлолт, боловсруулалтад хамтран ажиллах, цөмийн салбарын хамтарсан төсөл нэвтрүүлэх ашиг сонирхлоо илэрхийлсэн тухай Казахстаны үндэсний атомын компани болох “Казатомпром” мэдэгджээ. 

“Казатомпром”-ын ерөнхий захирал Аскар Жумагалиев Монгол Улсад ажлын айлчлал хийх үеэрээ УИХ-ын дарга М.Энхболд, Уул уурхай, хүнд үйлдвэрлэлийн сайд Ц.Дашдорж, Цөмийн энергийн хорооны ерөнхий нарийн бичгийн дарга Г.Манлайжав, “Мон-Атом” улсын өмчит компанийн ерөнхий захирал Д.Далайжаргал нартай уулзсан байна. Тэд хоёр орны цөмийн хамтын ажиллагааны цаашдын чиг хандлагын талаар хэлэлцжээ. 

“Казахстан улс өнөөдөр ураны нөөцөөрөө дэлхийд хоёрдугаарт эрэмбэлэгддэг. Дэлхийн ураны бүтээгдэхүүний олборлолтын 21 хувийг “Казатомпром” дангаараа хангадаг бөгөөд дэлхийн зах зээл дээр байгалийн ураны гол нийлүүлэгчдийн нэг юм.

Дэлхийн байгалийн ураны хэрэгцээний 20 орчим хувийг хангадаг. Түүнчлэн бид реакторын өмнөх цөмийн түлшний циклийн бүхий л шатанд бизнесээ өргөжүүлэхээр төлөвлөж байна” хэмээн Жумагалиев мэдэгджээ. “Казатомпром” өнгөрсөн сарын 10-нд ураны зах зээл урт хугацаагаар сэргэж байгаатай холбогдуулан энэ онд олборлолтоо 10 хувиар бууруулахаар болсноо зарласан. 

Энэ нь 2017 оны төлөвлөгөөт үйлдвэрлэлээс 2,000 гаруй тонн уранаар бага олборлолт хийнэ гэсэн үг юм. Ерөнхийдөө энэ нь дэлхийн нийт уран олборлолтын гурван хувьтай тэнцэж байгаа аж.

Зураг