"ОУВС-тай хийсэн хэлэлцээрийн үр дүнг ирэх 7 хоногийн сүүлээр мэдээлнэ"
Олон Улсын Валютын Сангаас /ОУВС/ Монгол Улсад хэрэгжүүлэх боломжит хөтөлбөрийн талаар Засгийн газрын төлөөлөгчид тус сангийн Ажлын хэсэгтэй хийж буй хэлэлцээр Улаанбаатар хотноо болж байна.
Өнгөрсөн оны 11 дүгээр сард ОУВС-ийн Ажлын хэсэгтэй хийсэн хэлэлцээрийн үр дүнд бодлогын олон арга хэмжээн дээр нэгдсэн байр суурьт хүрээд байгаа юм.
Энэ удаагийн хэлэлцээр нээлттэй, үр дүнтэй үргэлжилж байгаа бөгөөд хэлэлцээрийн үр дүнг ирэх долоо хоногийн сүүлээр мэдээлэхээр хоёр тал зорьж ажиллаж байна гэж Сангийн Яамнаас мэдээллээ.
Монгол Улсын эдийн засгийн хүндрэлээс гарах онцгой хөтөлбөрийг ОУВС-гийн тусламжтайгаар хэрэгжүүлэх бөгөөд хөтөлбөрт хамрагдсаны дараа бусад улсуудаас хөнгөлөлттэй зээл хүсэх боломж бүрдэх тухай Сангийн сайд Б.Чойжилсүрэн мэдээлж байсан билээ.
