"Таван Толгой" буцах болсон шалтгаан буюу 90 хуудас дүгнэлт

Засгийн газраас Таван Толгой (ТТ) төслийг эхлүүлэх ажлын хэсгийн уулзалтуудыг хийж эхэлсэнтэй зэрэгцэн ТТ эргэн тойронд олон янзын мэдээлэл ил болж хардлага, сэрдлэгээр дүүрээд байна. 

ТТ хэлэлцээр шуудрах чимээнээр өмнө эрх барьж байсан хүмүүс ч өөрсдийн байр сууриа илэрхийлж эхлээд байгаа юм. 

Тухайлбал, ТТ өмнөх хэлэлцээг яагаад зогсоосон тухайгаа З.Энхболд өөрийн фэйсбүүкт бичсэн байна. Тэрбээр "Сүүлийн хэд хоног "Эрдэнэс Таван Толгой" компанийг хувьчлах тухай мэдээллийг ЗГ-н зүгээс олон нийтэд түгээх боллоо. 2015 оны хавар Сайханбилэгийн ЗГ-н оруулж ирсэн хувилбар ямар учраас УИХ-аас дэмжлэг аваагүй талаар ажлын хэсгийн гаргасан дүгнэлт (90 хуудас)-ийг эндээс татан авч уншихийг УИХ-ын шинэ гишүүдэд зөвлөе. 

Түрүүчийн УИХ-ын гишүүдийн 45 нь Сайханбилиг, Энхсайхан нарын хувилбарыг дэмжээгүй, өөр хувилбар УИХ-д өргөн барьсан нь бас хэлэлцэхээ хүлээгээд байж байгаа. Хэрэг хуучраагүй гэдэг шиг дүгнэлт бас хуучраагүй. Сайханбилигийн, Эрдэнэбатын ЗГ-ууд ард түмний өмч Таван толгойг хувьцаа эзэмшигч 2 сая ард түмнээс асуулгүй шийдэх гэж оролдох юм. Таны хоттой хонийг хөрш тань өөрөөс чинь асуулгүй зарчихтай яг адил. Эсвэл өөрийн чинь машинийг дур мэдээд зарчихтай яг адил" гэжээ. 

Тэгвэл УИХ өмнө яагаад ТТ хэлэлцээг хойшлуулах болов. Одоо ч хуучраагүй гэх дүгнэлтэд юу байв?

90 хуудас дүгнэлттэй эндээс танилцаарай. 

Сүүлд гарсан "Зууны Мэдээ" сонины мэдээллээр МАН-ын бүлгийн хуралдаанаар ТТ асуудлыг оноос өмнө шийдэхгүй байх дээр гишүүд санал нэгдсэн гэв. Тэгвэл шинэ оны эхний сард ТТ асуудлыг шийдэх үү. Үнэхээр ч Монгол хүн бүрийн хувь эзэмшдэг ТТ хувь заяаг хэрхэн шийдэх гэж байгаа нь хөшигний цаана явсаар байна. 

УИХ-ын дарга асан З.Энхболд өнөөдөр мэдээлэл хийхээр болсон байна. Түүнийг ТТ шинэ хэлэлцээрийн талаар мэдээлэл дэлгэнэ хэмээх хүлээлт үүсээд байгаа юм. 

Ч.Сайханбилэгийн Засгийн газрын үед УИХ-д Засгийн газраас өргөн барьсан ТТ -н төсөлтэй ЭНД дарж танилцаж болно.