"Буддизм ба Шинжлэх ухаан" олон улсын эрдэм шинжилгээний хурал-хэлэлцүүлэг өнөөдөр Корпорэйт зочид буудлын хурлын танхимд болж байна.
Энэ хэлэлцүүлэгт Дээрхийн гэгээнтэн XIV Далай лам оролцож байна. Мөн Америкт төвтэй олон улсын эрдэмтдийг нэгтгэсэн “Оюун ухаан ба Амьдрал” хүрээлэнгээс 2. Монголоос 4 судлаач эрдэмтэн илтгэл тавьж хэлэлцүүлж байгаа бөгөөд олон нийтийн өмнө нээлттэй эохион байгуулагдаж буйгаараа онцлог.
Илтгэгчид:
Энэ удаагийн хэлэлцүүлэгт эрдэмтэн судлаач, гадаад дотоодын зочид, их дээд сургуулийн багш нар, оюутнууд, олон нийтийн төлөөлөл болсон 1,000 гаруй төлөөлөгч оролцож байна.
"Буддизм ба Шинжлэх ухаан" хурал-хэлэлцүүлгийг зохион байгуулсанаар Монголын нийгэмд шашинд шинжлэх ухаанч байр сууринаас хандах хандлагыг бий болгох, Монголын судлаач эрдэмтдийг “Оюун ухаан ба амьдрал” хүрээлэнгийн эрдэмтэн судлаачидтай хамтран судалгаа хийх боломж олгох, залуу судлаач эрдэмтдийн энэ чиглэлийн судалгааг дэмжиж, цаашид тэдний бүтээлийг олон нийтийн хүртээл болгох, Монголын уламжлалт ба орчин цагийн судалгааны ололт амжилтыг олон улсад сурталчлах, ач холбогдолтой гэж зохион байгуулагчид хэллээ.
Гандантэгчинлэн хийд, Номын гурван хүрдэн сан, Жавзандамба хутагт төвөөс хэлэлцүүлгийг зохион байгуулж байгаа бөгөөд 15:30 цаг хүртэл үргэлжлэх аж.
Гэрэл зургийг mpa.mn