Уншиж байна ...
Зураг
Зураг
ХУУЧИРСАН МЭДЭЭ: 2016/10/24-НД НИЙТЛЭГДСЭН

МЭДЛЭГ: Хянах самбар дээр асдаг анхааруулах гэрлийн тайлбар

WWW.CARDOCTOR.MN
2016 оны 10 сарын 24
Cardoctor
Зураг зураг

Хянах самбар дээр ассан гэрлийн өнгөөр анхаарах, яаралтай шалгуулах, хэвийн зэргийг мэдэж болдог. Жишээ нь ногоон гэрлүүд хэвийн үйл ажиллагааг илэрхийлдэг бол шар нь анхааруулах, улаан нь нэн яаралтай шалгуулах хэрэгтэйг сануулдаг.

Check Engine
Хөдөлгүүрийн электрон удирдлагын системд догол гарсан. Энэ тохиолдолд компьютер оношилгоонд оруулаарай.

Anti-Lock Brake System
Тоормосны ABS системд гэмтэл гарсан үед асна.Энэ үед компьютер оношилгоонд оруулж, гэмтлийн дагуу үйлчилгээ хийлгээрэй.

Power Steering
Цахилгаан рулийн аппаратад гэмтэл гарсан үед асна. Энэ тохиолдолд компьютер оношилгоонд оруулаарай.

Maintenance Required
Автомашин 5000 миль (8000 км) явах тутамд автоматаар анхааруулах гэрэл асдаг. Уг гэрэл таны машины хянах самбар дээр ассан бол даруй засварын газарт хандаж үйлчилгээ хийлгэх хэрэгтэй.

Тосны улаан
Хөдөлгүүрийн тосны хяналтын гэрэл. Тосны түвшинг шалгах хэрэгтэй. Хэвийн бол мэргэжлийн засварын газарт яаралтай хандана уу.

TRC OFF
Халтираатай замд дугуйг хий эргэхээс хамгаалсан систем. TRC OFF гэсэн удирдлагыг идэвхжүүлсэн үед хянах самбар дээр уг гэрэл асна. Системд алдаа гарсан бол байнга асна. Энэ тохиолдолд  компьютер оношилгоонд оруулаарай.

Vehicle Stability Control
Эргэлтийн  үед машин шарвахаас хамгаалсан систем.Түлхүүр ON байрлалд асах бөгөөд хөдөлгүүр ассаны дараа унтрах ёстой.15 км/ц-аас дээш хурдтай явж байх үед автоматаар идэвхжиж ажиллана. ABS болон хөдөлгүүрийн удирдлагын системд алдаа гарсан тохиолдолд байнга асна. Энэ тохиолдолд компьютер оношилгоонд оруулаарай.

Цасны зураг
Гадаах температур +3 хэм болсон үед асна. Замын халтираатай байх магадлалтай тул болгоомжтой хөдөлгөөнд оролцохыг анхааруулна.

Усны гэрэл
Цахилгаан мотор, инвертер, хөргөлтийн системд гэмтэл гарсан үед асна. Эхний удаад хөргөлтийн шингэн, цахилгаан помп сэлж байгааг шалгаад гэмтэлтэй бол засварын газарт хандаарай.

Hybrid System
Хайбрид систем хэвийн бус байна. Уг анхааруулга нь хайбрид системд гэмтэл үүссэн үед асна. Энэ тохиолдолд компьютер оношилгоонд оруулаарай.

Гар тоормосны улаан
Гар тоормос болон тоормосны шингэний хяналтын гэрэл. Гар тоормос буулгасан үед асаж байвал шингэний хэмжээг шалгах. Шингэн хэвийн хэмжээнд байгаа тохиолдолд дугуйн наклад нимгэрсэн эсэхийг шалгаарай.

Аккумуляторын гэрэл 
Цэнэглэх системд (динам, аккумулятор) алдаа байвал асна. Ингэсэн тохиолдолд мэргэжлийн засварын газарт хандаарай.

O/D OFF -Over Drive Off
Хянах самбар дээрх гэрлийг  унтрааж явбал 1-4 араа хүртэл автоматаар солигдож явна. Уруу эсвэл өгсүүр замд гэрлийг асааж явбал сүүлийн арааг хасаж эхний хэдэн арааг сольж явна. Уруу замд хөдөлгүүрээр тоормосолно. Хэрвээ анивчиж байвал кропыг оношлуулаарай.

TPWS-Tire Pressure Warning System
Дугуйны хийн даралт өөрчлөгдсөн эсвэл ижил бус размерын дугуй тавьсан тохиолдолд асна.

AFS OFF
Гэрлийн тусгалыг автоматаар тохируулах систем. Системд алдаа гарсан бол байнга асна. Энэ тохиолдолд компьютер оношилгоонд оруулаарай.

Eco ногоон гэрэл
Хэмнэлттэй горимд явах үед асна. Энэ тохиолдолдшатахуун зарцуулалт энгийнээс 4 хувь бага зарцуулна.

Бензиний шар
Шатахууны нөөц багассаныг анхааруулах гэрэл. Ихэнх автомашин 5-10 литр үлдсэн тохиолдолд асна.

 

 

Зураг