Хүн хоол хүнснээс авсан илчлэгээ бүрэн шатааж чадахгүй хуримтлуулснаас таргалалт бий болдог. Үүнийгээ шатаахад хөдөлгөөн хэрэгтэй.
Гэвч цаг зав муугаас хүн бүр хангалттай хөдөлж чаддаггүй. Тэгвэл богино хугацаанд буюу нэг цагийн дотор хэрхэн хамгийн их илчлэг шатаах 36 аргыг судлаачид танилцуулжээ.
Америкийн Эрүүл мэндийн Үндэсний Хүрээлэн эдгээр аргуудыг жагсаасан байна. Ингэхдээ 90 кг жинтэй хүний шатаах илчлэгийн хэмжээгээр тооцжээ. Насанд хүрсэн Америкчуудын дундаж жин 90 кг-аас доош байдаг.
Мэдээж хүний биеийн төрөл, нас, хүйс зэрэг бусад хүчин зүйлүүд нөлөөлж болох юм.
Гэхдээ хамгийн их илчлэг шатааж байгаа нь хамгийн сайн гэсэн үг биш. Хамгийн гол нь өөртөө таарсан, тогтмол хийж чадахыг сонгох нь зүйтэй.
- Гүйлт, 8 км/цаг хурдаар, цагт 1,074 калори
- Дээсэнд орох, цагт 1,074 калори
- Таэквондо, цагт 937 калори
- Усны хурдан сэлэлт, цагт 892 калори
- Шатаар өгсөж гүйх, цагт 819 калори
- Гүйлт, 5 км/цаг хурдаар, цагт 755 калори
- Ганцаарчилсан газрын теннис, цагт 728 калори
- Дарцагтай Америк хөлбөмбөг (хялбарчилсан хувилбар), цагт 728 калори
- Сагсан бөмбөг, цагт 728 калори
- Дугуйт тэшүүр, цагт 683 калори
- Эрчимт аеробик, цагт 664 калори
- Ракетбол (хананы теннис), цагт 637 калори
- Мөсний тэшүүр, цагт 637 калори
- Үүргэвчтэй явган аялал, цагт 637 калори
- Гүйлтийн цана, цагт 619 калори
- Усны цана, цагт 546 калори
- Сэлүүрдэх дасгал (тренежёр дээр), цагт 546 калори
- Ууланд алхах, цагт 546 калори
- Усанд хөнгөн сэлэлт, цагт 528 калори
- Усны аэробик, цагт 501 калори
- Бэйсбол/софтбол, цагт 455 калори
- Штанг түлхэлт, хүчний дасгал, цагт 455 калори
- Гүйлтийн зам дээр алхах, гүйх, цагт 455 калори
- Хөнгөн аэробик, цагт 455 калори
- Түргэн алхалт (минутанд 100 алхам), цагт 391 калори
- Уулын цана, цагт 391 калори
- Гольф (цохиураа өөрөө авч явах), цагт 391 калори
- Эрчимт йога (жимд зориулсан), цагт 364 калори
- Гар бөмбөг, цагт 364 калори
- Дугуй унах (10 км/цагаас бага хурдтай), цагт 364 калори
- Сэлүүрт завиар аялах, цагт 319 калори
- Тай Чи гимнастик, цагт 273 калори
- Цэнгээнт бүжиг, цагт 273 калори
- Боулинг, цагт 273 калори
- Удаан алхалт (2 км/цаг хурдтай), цагт 255 калори
- Хатха йога, цагт 228 калори
Эх сурвалж: Indy100