Уншиж байна ...
Зураг
Зураг
ХУУЧИРСАН МЭДЭЭ: 2016/07/02-НД НИЙТЛЭГДСЭН

Бүсгүй таны арьс залхуурлаас ангид байх ёстой

Өглөөний сонин
2016 оны 7 сарын 2
MorninigNews.mn
Зураг зураг

Танд арьсаа  толигор сайхан байлгах зөвлөгөөг хүргэж байна. 

  • Будгаа арилгаж нүүрээ цэвэрлэлгүй нэг шөнө унтахад 14 хоногоор хөгширдөг.
     
  • Гэртээ орж ирээд хувцсаа солих хэрэгтэй. Хувцсаа сэлгэнэ гэдэг бол нэг ёсоор биеэ амрааж байгаа хэрэг. Гэртээ байхдаа аль болох хөхний даруулгагүй байж, суллаж байгаарай. Бие шалтгаангүйгээр хөших, хэчнээн их унтсан ч бүрэн амарч чадахгүй байх нь өдөржин нэг хувцастайгаа явснаас хамааралтай ч байх магадлалтай.
  • Өдөр бүр хүзүүгээ арчилж, чийгшүүл. Нүүрнийхээ арьсыг арчилсан ч хүзүүгээ үрчлээтэхээс сэргийлэхгүй бол толийж гөлийсөн нүүрний чинь дороос, "тэр" насыг чинь шууд л хэлээд өгөх болно.
     
  • Усанд орчихоод биеэ тосол. Эмэгтэй хүний арьс төрөлхийн булбарай байдаг ч арчилгаа хэрэгтэй. Ялангуяа бүлээн усанд орж нүх нь нээгдсэний дараа тосолбол сайн шингэдэг. Биеэ бүрэн сайн тосолж хэвшвэл арьсны биржгэр, тогтсон сайр, хөлийн эвэр зэргээс сэргийлж болно.
     
  • Нүднийхээ будгийг тусад нь арилга. Зовхинд тусгай арчилгаа хэрэгтэй. Яагаад гэж үү? Яагаад гэвэл тэнд л хамгийн тансаг бүхэн түрхэгдэх ёстой юм.
     
  • Долоо хоногт дор хаяж нэг удаа тэжээлийн маск тавь. Маск бол бүх бүтээгдэхүүний хаан юм. Нүүрээ цэвэрлэж чийгшүүлэхээс гадна тогтмол тэжээл өгөх ёстой. Харин хамгийн сайн тэжээл өгөх арга бол зүгээр л тос түрхээд орхих биш, байгалийн гаралтай маск тавих мөн.
     
  • 14 хоногт нэг удаа гоо сайхны салонд ор. Цалин болгон дээрээсээ салонд ороод байвал үнэтэй гоо сайхны бүтээгдэхүүнд мөнгө зарах хэрэг ч гарахгүй. Салонд ойр ойрхон орох тусам, үйлчилгээ нь улам сайн нөлөөлдөг.
     
  • Үсэндээ тос түрх. Үс бол арьстай л ижил. Гялалзаж намирахын тулд түүнд цэвэрлэгээ, ангижруулалтаас гадна тэжээл шаарддаг.
     
  • Нүүрнийхээ арьсанд хүрэхээс өмнө гараа угаа. Хүний гарын хуруунд хэдэн мянган бактери агуулагддаг. Тэд бүгд чиний цэмцгэр, өөгүй нүүрэнд хүрнэ гээд бод доо?
     
  • Нунтаг энгэсгийн порлон, багсаа цэвэрлэ. Арьсны гадна талд хэчнээн хэмжээний бохирдол хуримтлагдаж  байгаа нь ойлгомжтой. Харин түүнд өдөр бүр ямар нэг хэмжээгээр хүрдэг будгийн хэрэгслээ байнга цэвэрлэж байх хэрэгтэй. Ялангуяа үс, порлоноор хийгдсэн нян амархан үржих боломжтой хэрэгслүүдийг мартаж болохгүй. Порлоныг нэг удаагийнх гээд, хэрэглэж байгаад муудахаар нь хаядаг зуршилтай эмэгтэйг би таних юм байна. Хэрвээ чи ч бас тэгдэг бол, чиний гоо сайхны порлон аяга таваг угаагч порлон биш гэдгийг санаарай.
     
  • Сормуусны будгаа тогтмол соль. Ямар ч сормуусны будгийн дээд талын хэрэглээ л гурван cap байх ёстой байдаг. Үүнээс хэтэрвэл будаг нь дуусаагүй ч, багс нь өөртөө нян нэмж тээвэрлэсээр байдаг. Нүд чинь аргаж, улайх нь ихсээд байгаа бол будгаа хэзээ хэрэглэж эхэлснээ нэг санаад үзвэл ямар вэ?
     
  • Нүүр гap, ванны алчуур, орны даавуунуудаа байнга угаа. Хүний арьс байнга гууждаг. Ялангуяа шөнийн цагаар унтах хооронд. Ор хөнжлийн даавуугаа байнга угаахгүй бол гуужиж үхэжсэн арьсан дээрээ хэвтсээр байна гэсэн үг. Харин бие, гарын алчуурын хувьд бүрэн цэвэрлэгдээгүй үлдсэн арьсан дээрх бохирдлыг авдаг учраас 3-4 хоногт угааж байгаарай. 
     
  • Гарахаасаа өмнө нарны тосоо түрх. Өвөл, хавар, намар, зун нарны тосыг байнга хэрэглэ. Нар бидний дээрээс тусч байгаа л бол хэт ягаан туяанаас арьсаа хамгаалах хэрэгтэй. Хэт ягаан туяа арьсны чинь уян хатан чанарыг нь алдагдуулах гээд отоод байж байдаг юм шүү.
     
  • Оройдоо шөнийн тосоо түрх. Хамгийн үр дүнтэй арьс арчилгаа юу гээч? Тэр бол шөнийн тос. Сайтар цэвэрлэж чийгшүүлчихээд хүний арьсанд нөхөн сэргээлт явагдаж байх үед тэжээл өгдөг хэрэг.
     
  • Хумсны будгийг ойр ойр соль. Нэг хумсны будгийг гурван сараас илүү хугацаанд байлгах нь тийм ч сайн зүйл биш. Өтгөрөөгүй ч гэсэн химийн урвал явагдсан байдаг.
     
  • Гарахаасаа өмнө үсээ сайн хатаа. Нойтон үстэй гарч болохгүй шүү. Тархины судас болон мэдрэлийн судлуудад цочрол өгч, толгой чинь шалтгаангүйгээр өвддөг болохоос гадна үс чинь хугарамтгай болно. 
     
  • Өглөөний цайгаа уучихаад гар. Орой хоол идэхгүй байж болно харин өглөөний цайгаа уухгүй байж болохгүй. Ходоодоо хайрла. Ходоодонд чинь явагдаж байгаа бүхэн нүүр, биен дээр чинь “тайлангаа” тавьж байдаг.
     
  • Шинэхэн худалдаж авсан дотуур хувцсаа угааж өмс. Цоо шинэ байж болно л доо. Гэхдээ дэлгүүрийн лангуун дээр хэр удаж, хэчнээн хүмүүс барьж үзсэнийг чи мэдэхгүй шүү дээ. Мэдэхгүй зүйлээ эмзэг эрхтэндээ шууд хүргэхдээ итгэлтэй байна уу?
     
  • Толинд хараад өөртөө инээмсэглэл бэлэглэ. Хэзээ ч битгий залхуурч байгаарай. Яагаад гэвэл тэр өдрийн урам зориг, инээмсэглэлийг хамгийн түрүүнд чи л өөртөө өгч чадна. 

Алимаар маск хийцгээе

Алим нь эмэгтэй таны нүүрний асуудлыг шийдэх гол эм. Манай эмэгтэйчүүдийн санааг зовоодог зүйл бол нүүрний арьс үрчийх.

Үүнд алим их тустай юм. Хэрэв та хуурай арьстай бол алимыг хальслаад, үрж жижиглэнэ. 

Алим нь эмэгтэй таны нүүрний асуудлыг шийдэх гол эм.

Цайны халбага чанасан овьёостой алимын нухшаа хольж хутгаад нүүрэндээ түрхэнэ. Эмзэг, мэдрэмтгий арьстай бол чанасан алимыг хэрэглэ. Чанасан алимаа үрж жижиглээд нүүрэндээ тавиарай.

Ингэхдээ хэдэн дусал ургамлын Тос, цайны халбага зөгийн бал нэмбэл арьс зөөлөрч, үрчийх аюулаас авардаг.

Тослог арьстай бол чанасан алим, өндөгний цагаан хоёроос бүтсэн маск тохирно. Цочромтгой арьсанд хальсыг нь хуулаа^ алимыг үрж жижиглэн дээр нь амны жижиг халбага түүхий сүү, өндөгний шарыг нэмж хутгаад түрхээрэй.

Эмэгтэй хүн гараа нүүр шигээ бас арчилж байх хэрэгтэй. Гарын арьс үрчийж харлахад мөн л алим тустай.

Алимыг угааж цэвэрлэн, шүүсийг нь үрж гаргаад гартаа шингээнэ. 10-15 минутын дараа бүлээн усаар угааж, гарын тос түрхвэл өнгө нь дорхноо сэргэж, зөөлөрдөг байна.

Интоорын жимс зүрхэнд сайн 

Интоор жимсээр хийсэн жигнэмэг нь үрэвслийн эсрэг хүчтэй нөлөө үзүүлэх ид шидтэй аж. Америкийн эрдэмтэд энэхүү дүгнэлтэд хүрчээ.

Учир нь антиоксидантаар баялаг хоол хүнс, үүний дотор интоор жимс нь өрөвслийг багасгаж, өвдөлтийн эрсдэлийг бууруулах чадалтай гэдгийг доктор С.Метич өөрийн хийсэн судалгаан дээр үндэслэн өгүүлж байна. Эхэндээ эрдэмтэд "Интоорын дэглэмийг” хархан дээр туршиж, хүнд хэрхэн нөлөөлснийг судалсан байна.

Судалгаа хийгдсэнээс хойш 90 хоногийн дараа мэрэгч амьтдын зүрхний өвчин тусах эрсдэл хавьгүй багассан болохыг тэд олж тогтоожээ. Тэрхүү туршилтын хоёр дахь үе нь хүмүүс дээр хийгдсэн аж.

Илүүдэл жин болон хэт таргалалттай арван хүн өдөрт 200 гр орчим интоорын шүүсийг дөрвөн долоон хоногийн турш уусан байна. Туршилтын үр дүнгээс харахад өвчний голомтын тоо эрс буурсан байсан бөгөөд зүрхний өвчний эрсдэлтэй холбоотой чухал хүчин зүйл болох триглицеридын түвшинд ч бас багассан байжээ.

Зураг