АПУ ХК ТОП 100 аж ахуй нэгжийн зургаадугаарт эрэмбэлэгдлээ
Монголын үндэсний худалдаа аж үйлдвэрийн танхим /МҮХАҮТ/, Монгол Улсын Засгийн газар хамтран 2001 оноос жил бүр Монгол Улсын нийгэм, эдийн засаг, бизнесийн хөгжилд жинтэй хувь нэмэр оруулж буй баялаг бүтээгч аж ахуйн нэгжүүдийг шалгаруулдаг билээ.
Энэ жилийн шалгаруулалт Төрийн ордны Ёслол хүндэтгэлийн өргөө цогцолборт дөрөвдүгээр сарын 27-нд болж АПУ компани 2015 оны “ТОП-100 АЖ АХУЙ НЭГЖ”-ийн шилдэг аравт шалгарч зургадугаарт эрэмблэгдлээ.
AПУ компани 2015 онд 893 ажилтан, ажиллагсадтайгаар улсад 124 тэрбум төгрөгийн татвар төлж, сүүлийн 5 жилийн хугацаанд 600 гаруй тэрбум төгрөгийн татвар төлөөд байгаа юм.
Мөн үйлдвэрлэл, үйл ажиллагаа, борлуулалтын сүлжээндээ 7,000 гаруй хүнийг ажлын байраар хангаж, 2015 онд хувьцаа эзэмшигчиддээ 5 тэрбумийн ноогдол ашиг тараасан.
АПУ компанийн үйл ажиллагааны бодлого нь компанийн засаглалыг бэхжүүлэх, хүнээ хөгжүүлэх, олон улсын шилдэг технологийг нутагшуулах, ноу-хауг нэвтрүүлэхэд чиглэгддэг.
Түүнчлэн компанийн нийгмийн хариуцлагын хүрээнд хийж хэрэгжүүлсэн ажлууд хүний хөгжлийг дэмжих, өв соёлоо хайрлан хамгаалах, түгээн дэлгэрүүлэх бодлогын хүрээнд бодит үр дүнгээ өгсөөр байна.
www.apu.mn
