Засгийн газраас хэрэгжүүлж буй “Төрийн түрээсийн орон сууц” хөтөлбөр хөдөө орон нутагт амжилттай хэрэгжиж байна.
Дархан-Уул аймгаас эхэлсэн уг хөтөлбөр Увс, Ховд аймагт үргэлжилж иргэдийг түрээсийн орон сууцанд нь оруулж эхэллээ.
Ховд аймагт гуравдугаар сарын 21,22-ны өдрүүдэд “Түрээсийн орон сууц” хөтөлбөрт хамрагдах хүсэлтэй иргэдийн бүртгэлийг авч, 23-ны өдөр нэмэлт материалыг 15:00 цаг хүртэл хүлээн авч ажиллажээ.
Давхардсан тоогоор 650 иргэн материалаа өгснөөс журмын шаардлага хангасан 140 иргэний материалыг сугалаанд хамруулсан байна.
Сугалаа гуравдугаар сарын 24-нд явагдаж 94 иргэнд түрээсийн орон сууцанд амьдрах батламжийг ТОСК-ийн ерөнхий захирал А.Гантулга гардуулан өгчээ.
Мөн Дархан-Уул аймагт 84, Увс аймагт 84 иргэн батламжаа авчээ.
Харин нийслэл Улаанбаатарт түрээсийн орон сууцанд орохоор бүртгүүлсэн иргэдийн сугалааг ирэх дөрөвдүгээр сард явуулах аж.
Эх сурвалж: ТОСК