ШУА-ийн Түүх, Археологийн хүрээлэнгээс энэ сард болох “Монголын археологи-2015” эрдэм шинжилгээний бага хурал болон 2015 онд судалсан судалгааны талаар өнөөдөр мэдээлэл хийлээ.
Тус хүрээлэнгийн эрдэм шинжилгээний тэргүүлэх ажилтан, Доктор Б.Цогтбаатар хэлэхдээ: "Энэ сарын 4, 5-нд болох "Монголын археологи-2015" эрдэм шинжилгээний бага хурал нь ШУА-ийн хүрээлэнгүүдийн нэгдсэн нэгдүгээр байрны 410 тоотод болно.
Тус хурлыг манай хүрээлэнгээс ШУА-ийн Түүхийн хүрээлэнгийн захирал агсан, нэрт археологич, академич Доржхандын Доржийн мэндэлсний 80 жилийн ойд зориулан зохион байгуулах гэж байна.
1936 онд Сүхбаатар аймагт төрсөн бөгөөд 1960-1991 он хүртэл МУ-ын нутагт археологийн судалгааг Орос болон бусад гадаадын олон улсын судлаачидтай хамтарч хийж байсан бөгөөд үндэсний судалгааны ажлын багийг ахалж байсан аж. Түүнчлэн одоо хийгдэж буй судалгаануудын гол үндэс суурийг нь тавьсан буюу 20-р зууны Монголын томоохон эрдэмтэн, академич юм.
Манай судлаачид Сүхбаатар аймгийн Түвшинширээ сумын нутаг дэвсгэрт 2013 онд дарагдаж, булагдсан дурсгалуудыг илрүүлсэн. Үүнээс хойш 2013, 2014 онд бид илэрсэн дурсгалуудтай холбоотойгоор урьдчилсан судалгаа хийсэн. Харин өнгөрсөн жилд Монгол-Японы хамтарсан төслийн хүрээнд хээрийн судалгаа буюу малтлагыг амжилттай хийсэн.
Тус газар нутгаас нийт том, жижиг 39 чулуун хөшөөний хагархай олдсоныг эвлүүлэхэд нийтдээ 13 том хөшөө болж байсан. Эдгээр хөшөөн дээр тухайн үеийн бичээс, тамга тэмдгүүд байсан бөгөөд одоогоос 1,000 гаруй жилийн өмнөх түүхийг агуулсан хөшөө гэж судлаачид дүгнэсэн. Хөшөөний өндөр нь 3-6 метр байсан аж.
Цаашид хэрхэн сэргээн засварлах, бичээсийг судлах, тамга тэмдэг харьцуулах гэх мэт олон ажлуудыг хийхээр төлөвлөөд байна" гэлээ.
2015 онд хийсэн ажлуудаас дурдахад:
Төслүүдийн танилцуулга: