Ямар мэргэжлийнхэн хамгийн их сэтгэцийн эмгэгтэй вэ?

Нэрт сэтгэл зүйч Кэвин Даттоны бичсэн “The Wisdom of Psychopaths: What Saints, Spies, and Serial Killers can teach us about Success” нэртэй номонд сэтгэцийн эмгэгтэй (psychopath) хүмүүсийн тухай сонирхолтой баримтуудыг өгүүлсэн байдаг.

Түүнд бичсэнээр зарим ажил мэргэжлийн хүмүүс сэтгэцийн өвчтэй хүн шиг ажиллаж, биеэ авч явдаг гэжээ.

Үнэндээ сэтгэцийн эмгэгтэй (psychopath) хүмүүс нь сэтгэл хөдлөл багатай (ялангуяа юмнаас бага айдаг), стрессийг тэвчих чадвартай, бусдыг ойлгож хайрлах мэдрэмж бага, хүйтэн, буруугаа хүлээдэггүй, амиа бодсон, арга зальтай, хариуцлага хүлээх дургүй, нийгмийн эсрэг зан ааш гаргадаг зэрэг шинжүүдтэй байдаг гэнэ.

Даттоны тодорхойлсноор дараах 10 мэргэжлийнхэн дотор хамгийн их сэтгэцийн эмгэгтэй хүмүүс ажилладаг гэжээ. Сонирхолтой нь компанийн гүйцэтгэх захирлууд буюу CEO нарын дотор сэтгэцийн эмгэг хамгийн их илэрдэг гэнэ.

1. CEO
2. Хуульч
3. Хэвлэл мэдээллийнхэн
4. Борлуулалтын ажилтнууд
5. Мэс заслын эмч
6. Сэтгүүлч
7. Цагдаа
8. Хуврага
9. Тогооч
10. Төрийн албан хаагч

Харин дараах 10 мэргэжил дотор хамгийн бага хувьтай байдаг гэнэ.

1. Асрагч
2. Сувилагч
3. Сэтгэл засалч
4. Гар урлаач
5. Гоо сайханч, стилист
6. Буяны байгууллагын ажилтан
7. Багш
8. Уран бүтээлч
9. Эмч
10. Нягтлан бодогч

Эх сурвалж: Time.Com