ХУУЧИРСАН МЭДЭЭ: 2015/06/22-НД НИЙТЛЭГДСЭН
Уншсаны дараа талархах Дэйл Карнегийн эшлэлүүд
iKon.MN
Зохиолч, сэтгүүлч, сэтгэл зүйч, сурган хүмүүжүүлэгч Дэйл Карнеги “дэлхий дээр муу хүн гэж байхгүй” гэсэн зарчмаар сэтгэн бодож, амьдарч байсан хүн юм.
Түүний хэлсэн үгсээс онцгойлон эшлэж байна.
- Хүн бүр өдөрт доод тал нь таван минутын хугацаанд тэнэг амьтан болж хувирдаг. Жинхэнэ мэргэн ухаан энэ хугацааг нэмэгдүүлэхгүй байхад чиглэгддэг юм.
- Бал хураая гэвэл зөгийн үүрийг бүү сүйтгэ
- Хэрвээ өчигдрийн ачаагаа өнөөдөр үүрсээр яваа бол дээр нь нэмэгдэх маргаашийн ачаа замд чинь хамгийн хэцүү саадыг бий болгоно.
- Инээмсэглэл зардалгүй бий болдог ч үнэтэй шагнал болдог
- Хэрвээ хувь тавилан чамд нимбэг бэлэглэвэл түүнийг ундаа болго
- Хүн өөрөө өөртэйгээ дайн хийвэл ямар нэг зүйл заавал хождог
- Мэдээж нөхөрт чинь дутагдлууд байгаа. Хэрвээ тэр гэгээнтэн байсан бол юу гэж чамтай гэрлэх вэ?
- Завгүй бай. Энэ бол дэлхий дээрх хамгийн хямд мөртлөө хамгийн сайн эм.
- Нүүрэндээ тодруулж байгаа царай бол хамгийн чухал хувцас.
- Хүмүүсийг өөрчлөхийг хүсвэл өөрөөсөө эхэл. Энэ нь үр дүнтэй бас аюулгүй зам.
- Үйлдэл хийхээсээ өмнө түүнээс урган гарч болох хамгийн муу үр дагавруудыг бодож үз
- Хүний нэр ямар ч хэл дээр тааламжтай, эрхэмсэг дуудагдах ёстой гэдгийг сана
- Бидний аз жаргалгүй байгаагийн нууц нь өөрийгөө аз жаргалтай байгаа эсэх талаар хэтэрхий их боддогт оршино.
- Ухаантай хүнд өдөр бүр шинэ амьдрал эхэлдэг
- Хүүхэд үргэлж томчуудын яриаг сонсох дуртай байдаг, тиймээс болгоомжтой бай
- Маргааш гэж байхгүй. Хүн төрөлхтнийг аврах өдөр бол өнөөдөр.
- Довтлох дайснаасаа бүү ай. Харин бялдуучлах найзаасаа болгоомжил.
- Олон хүн өөрийг нь сонсох хүнгүй болох үед эмчэд очдог.
- Хүний мөн чанар: буруутай этгээд өөрөөсөө бусад хэнийг ч хамаагүй буруутгахыг оролддог
- Айдас таны ухаан санаанаас өөр хаана ч оршдоггүй
- Бусдын оронд өөрийгөө тавьж үзээд өөртөө биш, түүнд юу хэрэгтэйг ойлго. Үүнийг хийж чадсан хүн бүх дэлхийг ойлгоно.
- Аливаа зүйлийг сурах хүчтэй эрмэлзлэл бол амжилтын 50 хувь юм.
- Өөрийгөө аз жаргалтай байгаа юм шиг, аз жаргалтай болох нь тодорхой юм шиг биеэ авч яв.
- Энэ дэлхий дээр хайрыг олж авах ганцхан арга бий. Тэр бол бусдаас хайрыг нэхэхээ зогсоож, хариу горьдохгүйгээр хайрыг бэлэглэж эхлэх юм.
