2018/01/17
Америк доллар
МОНГОЛ БАНК:
2,429.73₮
B32
УЛААНБААТАР
-15°
|
-25°
B32
УЛААНБААТАР
-12°
|
-24°
B32
УЛААНБААТАР
-17°
|
-24°
22:00
S32
-24°
23:00
S32
-26°
00:00
S32
-25°
01:00
S32
-24°
02:00
S32
-24°
03:00
S32
-26°
04:00
S32
-26°
05:00
S32
-27°
06:00
S32
-27°
07:00
S32
-27°
08:00
S32
-27°
09:00
S32
-26°
Энэ мэдээ хуучирсан буюу 2014/10/22 -нд нийтлэгдсэн мэдээ болно.

З.Энхболд: Өнөөдрөөс Google-ийн машинууд Монгол орон даяар зураг авахаар явж эхэлж байна

Х.Алтанзагас, iKon.mn
2014 оны 10 сарын 22
iKon.MN

- Чингис хааны талбайд өнөөдөр болсон “Google street view” албан ёсны нээлтийн үеэр УИХ-ын дарга З.Энхболдын хэлсэн үгийг бүрэн эхээр нь хүргэж байна -

Тэрээр хэлсэн үгэндээ, орчин үед шинжлэх ухаан, технологийн дэвшлийн ачаар дэлхийн өнцөг булан бүрт байгаа хүмүүс газар зүйн байршил, цаг хугацааны хязгаарлалтаас үл хамааран чөлөөтэй хамтран ажиллаж, сурч боловсорч, ажил хэрэг бизнесээ эрхлэх бүрэн боломжтой болж байна. 

Энэхүү дэвшлийг дагаад мэдээ, мэдээллийг хэрхэн зөв үр ашигтай аргаар цуглуулж, хадгалж, боловсруулж чадаж байна вэ гэдгээс аливаа хувь хүн, байгууллага, улс орны өрсөлдөх чадвар шууд хамаардаг боллоо

Сүүлийн үед томоохон хотуудын зарим үйл ажиллагааг Засаг дарга биш их хэмжээний өгөгдөл - Big Data дээр суурилсан мэдээлэл боловсруулах програмаар удирддаг болж байна.

Дэлхий ертөнцийг бүрхэж буй энэхүү хувьсгалын цаана асар том мэдээллийн дэд бүтэц ажиллаж байдгийн нэг нь Google-ийн платформ юм. 

Бидний эргэн тойронд байгаа бүхий л юмс, ахуйн хэрэглээний болон инженерийн тоног төхөөрөмж зэргийг интернетээр дамжуулан удирддаг Internet of Things-ийн цаг үе айсуй явна.

Дэлхий ертөнцийг бүрхэж буй энэхүү хувьсгалын цаана асар том мэдээллийн дэд бүтэц ажиллаж байдгийн нэг нь Google-ийн платформ юм. 

Монголчуудтай хамтран ажиллаж Google translate, Google Education, Google Developer чиглэлээр эхэлсэн ажлуудаа Google Street View, Google Culture Institute, Google Art Project, Google World Wonders төслүүдээр үргэлжлүүлж өөрийн мэдээллийн дэд бүтцэд Улаанбаатар хотын мэдээллийг оруулах төслүүдийг эхлүүлж байгаа Google компанид талархал илэрхийлье гэлээ.

Өнөөдрөөс НЗДТГ-ын лац болон тусгай камераар тоноглогдсон Google-ийн машинууд Улаанбаатар хот, хөдөө орон нутаг гээд орон даяар нийтийн эзэмшлийн гудамж, талбайн түвшний гэрэл зургийг авахаар явж эхлэх гэж байна. Мөн өнгөрсөн 6 дугаар сард авсан зураглалуудыг өнөөдөр дэлхий нийтэд цацаж эхэлсэн юм.


Түүнчлэн Google нь Монгол улсын хамгийн их ач холбогдолтой 3 музейн болон соёлын хүрээлэн хоорондын түншлэлийг зарласан байна.

Үүнд Монгол улсын үндэсний музей, Занабазарын нэрэмжит Дүрслэх урлагийн музей, Богдхааны ордон музей зэрэг багтжээ. Энэхүү арга хэмжээнд Нийслэлийн засаг дарга бөгөөд Улаанбаатар хотын захирагч Э.Бат-Үүл, Google компанийн Ази Номхон далай, Ойрхи дорнод, Африк, Орос дахь Засгийн газрын асуудал хариуцсан олон нийтийн бодлогын Ерөнхий захирал Сузан Пойнтер нар болон албаны бусад төлөөлөгчид оролцов хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Улаанбаатар болон 21 аймгийг тойрч зураг авах залуус

Улаанбаатар “Google street view”-д холбогдлоо. ФОТОГ-->> http://www.ikon.mn/p/bhh

x