Өчигдөр АНУ-ын төрийн департментын ажилтнууд Сиэтл хот дахь ОХУ-ын консулын газрын байрны цоожийг эвдэж нэвтэрсэн байна.
Британид тагнуулын экс ажилтныг хордуулсан хэргийн шийтгэл болгож АНУ-ын ерөнхийлөгч Дональд Трамп өөрийн газар нутгаас ОХУ-ын 60 дипломатчийг албадан гаргаж, Сиэтл дэх консулыг газрыг хаахаар болсон юм.
Оросын дипломат албаныхныг гарч явсны маргааш нь ийнхүү Америкчууд консулын байранд нэвтэрсэн байна. Уг барилга нь ОХУ-ын эзэмшилд тооцогддог бол газар нь АНУ-ын өмч юм. Төрийн департмент өчигдрийн ажиллагааг тус байранд Оросын консулын ажилтнуудаас хүн үлдсэн эсэхийг шалгах зорилготой гэж мэдэгджээ.
Харин ОХУ-ын АНУ дахь элчин сайдын яам уг үйлдлийг “булаан эзлэлт” гэж твиттер хуудсандаа шүүмжилсэн байна.
Эх сурвалж: Associated Press